Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porojik pamansaian kakadaian kawawagu notingkadan

tenom
TENOM: Porojik pamansaian kakadaian kawaawagu Melalap id kinoyonon tana soginayo 200 ekar kakal notingkadan mamaso diti sabap tana dilo sinanganu do Sime Darby Plantation Sdn Bhd om amu poh nakatahak kumaa koporintaa pogun Sabah, ka di Montiri Kotundaan Labus Kakadaian Sabah, Datuk Radin Malleh.

Tumanud disio, ih ponogi Puru Walai Koundangan Pogun Melalap, sundung do Koupisan Tana om Monukat Sabah nokopoindalan noh ponukatan do tana dilo nga porojik dilo kakal amu kapanau sabap amu poh naalanan kopotutan mananganu tana dilo.

Sime Darby Plantation Sdn Bhd kiharo duo kabun piasau sawit id watas Tenom ilo nopo nga Kabun Melalap om Kabun Sapong.

“Nosunudan oku id miting di nakatalib ih nootindapou do Sime Darby Plantation Sdn Bhd om Lombaga Pomuwalaian om Kotundaan Kakadaian (LPPB) ih papanau do porojik dilo ih linantik do Porinta Pogun Sabah, kumponi dilo nakasaga noh posoliwan do tana nokomoi.

“Poingkuro po gisom baino amu oku poh nakaramit doo ningkokoton kawawagu porojik dilo mantad puru nakaampai,” ka disio. – Sayangsabah

Komen


Berita Berkaitan