Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

Porojik di nokolulus mangan potilombuso: Musa

10:38am 26/04/2016 Maryann 0 views Abal Kinoyonon,Kinoyonon,Kota Kinabalu

21 musa
KOTA KINABALU: Porojik ngawi dii pioumum om pinolulus do porinta pisompuruan potilombuson papanaho miampai ponumpuan kotundaan montok kosuulan do rayat sundung nosimbanan o Bajet 2016.

Boyoon Montiri Datuk seri Panglima Musa Hj. Aman minoboros do mantad ponimbanan do bajet 2016, aiso porojik di kininsil toi ko porojik di ningkurian o balanja nga porojik om ababayan kotundaan dilo mangna potilombuso miagal koubasanan.

“Ponimbanan mantad koposoliwanan do tusin om balanja tumanud kamampuan balanja komontirian om agensi di papanau.

“Kopoindalanan do porojik tagayo ih pinoumum di Luguan Montiri miagal Porojik RalanMagayo Pan-Borneo, Porojik Bus Rapid Transit Kota Kinabalu, UTC Tawau om UTC Keningau nopo nga potilombuson,” ka disio.

Minoboros isido miagal dilo soira minonimbar ponguhatan dii Puru Walai Koundangan Pogun (ADUN) Sukau Datuk Saddi Hj. Abdul Rahman om ADUN Bongawan Datuk Mohamad Hj. Alamin id pitimungan walai koundangan pogun, do hiti.

Tumanud dii Musa, ponimbanan do bajet dilo winonsoi miampai mongintob faktor ekonomi id timpu diti ih amu manantu pikikiro kaanu mongikit porinta pisompuruan gisom RM9 bilion id suang balanja mongurus kotundaan om amu manahak waya kumaa ekonomi om kobajikan do rayat. – SayangSabah

Apa Komen dan Pendapat Anda

Artikel Berkaitan