Sayang Sabah Facebook

Likes
Sayang Sabah Twitter

11,821

Followers

Sayang Sabah - Portal Berita Negeri Kita

Porinta Sabah pataid ababayan pongindopuan miolon barang: KM

8:01pm 08/04/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

7 jeti-sandakan-600x366
KOTA KINABALU: Porinta Pogun Sabah minapataid toinsanan karaja pongindopuan miolon barang mimpuun tosisikap id toinsanan palabuhan id pogun diti sabaagi laang tosikap mangantob nunu nopo kasalaan tawagat dumarapas piolitan kosuang panangayan.

Potoidan dilo nopo nga iso mantad walu koputusan di winonsoi do Jemaah Montiri id mitingan Kabinet Pogun tadau baino ih pinoumum di Boyoon Montiri Sabah Datuk Seri Musa Aman sumusuhut kinaantakan panangayan rakyat Malaysia id kowoigan Pulou Ligitan tadau Kolimo nakatalib do tinimungan kisindata mantad koributon Filipina.

Mimboros kumaa maganu habar kalapas minonorikohon mitingan Kabinet Pogun dilo, minoboros ih Musa do mitingan dilo nga minomutus potoidan tosisikap toinsanan karaja pongindopuan do ‘transhipment’ toi ko poundolihan kumaa kapal, kosuang pidagangan petroleum om gas id kinoyonon Zon Atampasi Kosilahon Sabah (Esszone) om paamban atag kopoindalanan ponorinaan feri padsakaian id pialatan Kudat id Sabah om Palawan Filipina.

Ka disio, Kabinet nga minomutus mooi toinsanan ahal di kasala kooturan id suang karaja palayaran pidagangan id rahat pokuatkuasaon tumanud kooturan do toinsanan agansi monguatkuasa id kosilahon Sabah.

Miampai koputusan dilo, ka disio toinsanan kapal, kosuang kapal labus om bot ih amu tumanud kooturan om undang-undang om monompuronok koumoligan pogun amu pasagaon sumuang id kowoigan Sabah.

Minoboros ih Musa do Kabinet nga minomutus nogi mooi konsip kopoindalanan ponuhuan moguung mangan simbanai om mimpuun poimponu kosuang maganu laang okodou kumaa isai-isai nopo toi ko bot om kapal ih manahub kooturan puru kikuasa id Esszone.

“Komiti Karaja Koumoligan Pogun (JKKN) nga mamaso monorisid ponompuronon koumoligan id sambalik pomogunaan ‘pump boat’ id Sabah.

Toinsanan pomogunaan do pump boat mangan porisao do puru kikuasa om isai-isai tulun toi ko tinimungan okon tulun mamasok ih noilaan momoguno pump boat mangan ahawo do puru kikuasa, ka disio. – BERNAMA

Apa Komen dan Pendapat Anda

Artikel Berkaitan