Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Porinta potoluod tilom, bantal kumaa mungui nasaraban id Tawau

9:49am 16/04/2016 Maryann 0 views Abal Kinoyonon,Berita Pilihan,Kinoyonon,Tawau

ruji
TAWAU: Porinta tadau baino minopotoluod tilom om bantal kumaa mungui ih nakaampai id kinotutudan kapaampai lobi 300 walai sotingan id Kampung Titingan do hiti di songkosodop.

Toluod dilo pinatahak dii Tupisor Kotundaan Sabah Ruji Ubi kumaa mungui id iso ababayan di notindapou nogi dii Porosidin Kounsil Kakadaian Tawau, Alijus Sipil.

Moboros kumaa maganu habar kalapas ababayan dilo, ka di Ruji sakadai dilo nopo nga mantad Luguan Montiri Datuk Seri Najib Tun Razak om Boyoon MontiriDatuk Seri Musa Aman ih toiso-iso minopotoluod RM10,000.

“Sakadai diti pinatahak maya tupis Kotundadan Pogun Sabah montok momoli mogisuai-suai kosukupan monikid tadau. Alansan oku do sakadai diti kaanu monguhup papagaan tingorit di munggui nakaampai,” ka disio.

Lobi 3,000 mogigion kampung natagakan tiyonon id kinaantakan kinotutudan dilo ih naantakan id Lorong Habib Abdul Rahman, Batu 2, Jalan Apas om Blok 10, Kampung Titingan Darat pikikiro jam 1.30 kosuabon dilo. – BERNAMA

Apa Komen dan Pendapat Anda

Artikel Berkaitan