Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Porinta poposikap posodia kosukupan, ruhangan kukumaraja id Esszone

11:06pm 29/02/2016 Maryann 2 views Abal Kinoyonon,Berita Pilihan,Kinoyonon,Lahad Datu

esszone2-600x367
LAHAD DATU: Porinta poposikap posodia prasarana om momoguhang puru koumoligan id Kinoyonon Zon Atampasi Kosliahon Sabah (Esszone), ka di Kumoduo Montiri Suang Pogun, Datuk Nur Jazlan Mohamed.

Minoboros isido do laang dilo kosuul montok kosimbayanon puru tinimungan koumoligan ih pakaraja madtamong kosimbayanon do pogun.

“Nokotombului oku noh id kim-kim diolo (puru koumoligan) id Tanduo om Tanjung Labian om nokito nunu koporluan diolo,” ka disio kumaa maganu habar id kotombuluian apat tadau disio id Sabah, do hiti di bain o.

Tumanud dii Nur Jazlan, porinta manahak pogintangan kumaa nunu koporluan puru koumoligan om kogunoon momoruhang puru koumoligan id kinoyonon dilo.

Daamot dilo minoboros nogi isido di, puru Kinoyonon Koumoligan Poimbida Tisan Kosilahon Sabah (Esscom) mamaso mimparagat papanau Op Bersepadu id onom watas Esszone kaampai kinoyonon kakadaian, tisan kakadaian, kokompungan sotinggan om kabun montok mangasu modidikot songkosuaian aiso kasagaan (PATI).

Ka disio poompus toun nakatalib, soginumu 129,435 tulun pinorisa om mantad ginumu dilo soginumu 9,610 tulun ginakom sabap mogisuai-suai kassalaan.

“Esscom popoingkawas Ops Gasak id tana om rahat id timpu oruhai diti montok mangantob korikatan PATI id pogun diti,” ka disio. – BERNAMA

Apa Komen dan Pendapat Anda

Artikel Berkaitan