Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta pogun mamarayou pingisaman Petronas

petronas puji
KOTA KINABALU – Panajaan balajaran mantad kumponi korporat id pogun diti kaanu monguhuup susumikul cemerlang potilombus balajaran id nayatan takawas.

Boyoon Montiri Datuk Seri Musa Aman minoboros do Petronas ih minanahak sikulasip balajaran kumaa susumikul id Sabah nakaanu minapalabus ginumu tinimungan profesional om kikomilaan id mogisuai-suai kaganaan karaja.

“Porinta pogun mamagatang pingisaman do Petronas monguhup manahak kousinan balajaran kumaa tangaanak. Petronas tumilombus papanau tonggungan dau kopiagal dilo kotundaan pogun diti.

“Okito tokou, pingisaman do Petronas miagal dilo ningkokoton dau sabaagi kumponi tumai om gas pogun,” ka disio id ababayan panahakan Anugerah Penajaan Balajaran Petronas, do hiti di baino.

Id ababayan dilo, linansann isido dii Kumoduo Boyoon Montiri ih ponogi Montiri Kotundaan Infrastruktur, Tan Sri Joseph Pairin Kitingan, ih ponogi minapatahak tajaan balajaran kumaa 210 susumikul.

Iyolo nopo nga susumikul ababayan Panajaan Balajaran Petronas soginumu 22 tulun, MARA (150) om Ababayan Panajaan Bantuan Latihan Institusi Vokasional (Vista) soginumu 46 tulun.

Nokorikot nogi ih Kumoduo Boyoon Montiri ih ponogi Montiri Kotundaan Perindustrian pogun, Datuk Raymond Tan Shu Kiah; Montiri Kotombuluian, Koubasanan om Ahal Misorili Pogun Datuk Masidi Manjun om nogi Naib Porosidin Wanan Upstream Malaysia Petronas, Datuk Anuar Taib. – Dii Sitti Nor Azizah Talata / SayangSabah

Komen


Berita Berkaitan