Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta pogun mamalan momonsoi palabuhan Sipitang

Musa Aman (tolu mantad wanan), Raymond Tan Shu Kiah om PonorikohonGerakan Sabah, Datuk Gordon Leong (duo mantad wanan) mintong pokikitanan tarian singa. – foto JKM
Musa Aman (tolu mantad wanan), Raymond Tan Shu Kiah om PonorikohonGerakan Sabah, Datuk Gordon Leong (duo mantad wanan) mintong pokikitanan tarian singa. – foto JKM

KOTA KINABALU – Porinta pogun mamaramit koputusan monginsonong do Palabuhan Sepanggar miagal di pinoumum di Montiri Padsakaian, Datuk Seri Liow Tiong Lai, di kawawagu.
Kumoduuo Boyoon Montiri Datuk Raymond Tan Shu Kiah minoboros do laang dilo kaanu popoingkawas tongggungan do palabuhan dilo sabagi iso mantad di kosuul id nayatan pogun diti om potilombus poposiliu Taman Perindustrian Kota Kinabalu (KKIP) sabagii Hub Transit montok papaapu ih mongigit produk diolo momoguno kapal tangayo mantad labus pogun.
“Nokoboros noh do porinta pogun o koporluan diti kumaa porinta longkod mantad podii laid.
“Sabap dilo, otood ginawo tokou sabap montiri nokomoi nakaanu minanahak pogintangann koporluan diti sabap Sabah nopo nga iso pogun di agayo. Soira papanau tokou pongindopan toinsanan kos nga kiraon tokou kosuang nogi padsakaian,” ka disio kumaa maganu habar hiti di konihab.
Minoboros isido miagal dilo soira pinokianu mongulas kointalangan di Tiong Lai do porinta longkod pikikiro monginsonong dilo Palabuhan Sepangggar sumiliu palabuhan oponting kumaa rayat pogun.
Daamot dilo, ka di Raymond, porinta pogun nga kipalan nogi momonsoi palabuhan kawawagu id Sipitang suai ko Palbuhan Sepanggar om Pabuhan POIC Lahad Datu ih mamanso wonsoion.
Ka disio, palabuhan id Sipitang dilo poimbida montok produk tumau om gas sabap Porojik Ammonia Urea Sabah (Samur) om Terminal Minyak om Gas Sabah (SOGT) id watas Sipitang. –Dii Sitti Nor Azizah Talata / SayangSabah

Komen


Berita Berkaitan