Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Porinta pisompuruan mingisom monokodung ababayan id siriba HoB

11:21pm 15/11/2015 Maryann 1 views Abal Kinoyonon,Kinoyonon,Kota Kinabalu

Dato-Sri-Dr-Wan-Junaidi-600x387
KOTA KINABALU: Porinta Pisompuruan mingisom monokodung kopoindalanan Pingisaman Heart of Borneo (HoB) montok mogintong kopio kinoyonon gouton tropika id Kopulauan Borneo atampasi.

Montiri Tadion Asli om Ahal Posorili, Dato’ Sri Dr. Haji Wan Junaidi Tuanku Jaafar minoboros do porinta pisompuruan kopuriman kosuulon pingisaman HoB ih hontolon do ababayan diti kopiagal dilo impohon, pamalanan om ababayan kagait kotundaan potilombus, kopomogunaan tana om pomiaraan id nayatan pogun om kabansaan.

“Soginayo 1.56 riong hektar tana id pogun diti nosiliu sabaagi kinoyonon otungolig ih hombo haro kinoingkawason atalang id timpu kumoinsan nogi nokointutun o HoB di toun 2007.

“Iti nopo nga iso kinomogoton di atalang id suang pingisaman momiara biodiversiti id toinsanan kinoyonon HoB”, ka di Junaidi.

Minoboros isido miagal dilo soira minopotimpuun ababayan ponutuban pitimungan HoB sompomogunan ih nokoindalan duo tadau id Magellan Sutera, do hiti di kawawagu.

Tumanud di Junaidi, asil mantad pisidangan dilo pikikiro kaanu monguhup do Malaysia mamalan karaja id suang papanau pingisaman dilo ih nosoinan mantad toun 2007. – Elezebeth Esther/ Sayang Sabah

Apa Komen dan Pendapat Anda

Artikel Berkaitan