Sayang Sabah Facebook

Likes
Sayang Sabah Twitter

11,644

Followers

Sayang Sabah - Portal Berita Negeri Kita

Porinta pisompuruan apatut sumuku porinta pogun popiagal gatang kakamot

11:38pm 14/02/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

jainab
KOTA KINABALU: Porinta pisompuruan pinokianu mooi sumuku do porinta pogun Sabah om Sarawak karait kopoindalanan iso barang iso gatang.

Montiri Kotundaan Mogigion om Ahal Momoguno Datuk Jainab Ahmad Ayid minoboros do porinta pisompuruan amu milo mongubal do kooturan om kowowoyoon kopoindalanan sistom dilo miampai amu sumuku do porinta koduo-duo pogun dilo.

“Mokianu oku kumaa porinta pisompuruan mooi kaanu miuhup montok tuduan diti sabap kadang-kadang opurimanan diolo iyolo noh pointopot nga kopio nopo ih tokou id Sabah lobi karati kowowoyoon gatang kakamot do hiti,” ka disio.

Minoboros isido miagal dilo soira rinuba maganu habar kalapas ababayan panahakan sakadai Kopotimpuunan Pinsingilaan 1 Azam id R&R cake House, Sulaman, sosodopon tadau baino.

Karait ababayan dilo, momolohou ih Jainab kumaa mogigion pogun diti do mimparagat id kaganaan pongindopuan om amu molos tusin mantad along.

“Asanangan oku posorou kumaa isai-isai nopo ih sumiliu mongindapu mooi amu mooi olos do tusin mantad along sabap pogun tokou ogumu pangalasan do tusin om poinsodia manahak ponguhupan kumaa diolo potimpuun pongindopuan,” ka disio.

Id ababayan dilo, soginumu 125 tulun tutumanud 1 Azam nakaanu ‘mixer’ om ‘oven’ sabaagi sakadai kumaa diolo papanau pongindopuan. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan