Sayang Sabah Facebook

Likes
Sayang Sabah Twitter

11,675

Followers

Sayang Sabah - Portal Berita Negeri Kita

Porinta pinokianu sumikap momonsoi wokok id Gudang Empat: Tawfiq

10:40pm 02/03/2016 Maryann 0 views Abal Kinoyonon,Berita Pilihan,Kinoyonon,Tawau

tawfiq-600x366
TAWAU: Porinta pisompuruan pinokianu poposikap pamansaian wokok kigatang RM400 riong id Gudang Empat, Cinta Mata do hiti montok manalasai kobolihangkangan kakasahon do kosukupan waig ih insaru aantakan id watas diti lolobi id timpu magadau.

Montiri Komulakan om Sipoot Sabah Datuk Tawfiq Abu Bakar Titingan minoboros do pamansaian wokok dilo amu milo pouruton sabap porosis do momongoh momoguno timpu limo om onom toun.

“Mokiinsian tokou kumaa porinta pisompuruan lolobi Komontirian Tanaga, Tiknologi Otomou om Waig do momonsoi osisikap wokok diti sabap mada tokou soira magadau om oingorit o mogigion sabap aiso waig,” ka disio.

Minoboros isido miagal dilo kumaa maganu habar kalapas minooi tombului Loji Utara om minokinongou kointalangan toniba karait ahal waig mantad Injinoor Waig Bohoian Tawau, Bahrin Antonio do hiti di baino.

Tawfiq ih ponogi Puru Walai Koundangan Pogun Apas minoboros do suai ko sabaagi tadon kosukupan do waig, wokok dilo soira opongoh, kaanu manalasai kobolihangkangan luyud id piro-piro kinoyonon id watas diti.

Ka disio, soira aantakan timpu magadau, kabagalan do waig akasou sabao rinalom do waig osiriba om kadang-kadang aiso waig ih nousap.

Montok panalasaian timpu toniba, minooboros ih Tawfiq do pangapalaian winonsoi do Komontirian Kotundaan Labus Kakadaian om Wilayah (KKLW) montok mongoput tolu loji nousap waig ih haro id Tawau montok mangadang kosukupan waig mogigion watas diti soira timpu magadau. – BERNAMA

Apa Komen dan Pendapat Anda

Artikel Berkaitan