Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta pinokianu momoruhang sakadai balajaran labus kakadaian

tenom
TENOM: Porinta pinokianu momoruhang sakadai i gunoon montok kotundaan balajaran labus kakadaian om potilombus popoingkawas komogoton balajaran tangaanak sikul id kinoyonon dilo.

Puru Parlimen Tenom, Datuk Raime Unggi minoboros do, sakadai dilo kosuang koporluan insfrastruktur, mongingia om kakamot gunoon id sikul.

“Haro tangaanak sikul id labus kakadaian orohian kopio balajar id kaganaan Sains Tulen nga okuri kopokitanan karait kaganaan dilo sabab aiso toi ko okurian do sumber balajaran nokomoi,” ka disio.

Minoboros isido miagal dilo kumaa maganu khabar kalapas minapaharo Pirubaan Miampai AJK Kapitan Cina kopihondot Ababayan Tarian Singa om Unicorn pamaramaian Toun Wagu Sina 2015, hiti di konihab.

Sabap dilo, mokianu i Raime kumaa porinta moi kaanu mogihum ralan tosonong montok monguhup tangaanak sikul id kinoyonon labus kakadaian mimparagat balajar id kaganaan nokomoi.

“Kosuul o laang miagal dilo montok momoruhang komilaan toinsanan tangaanak sikul labus kakadaian om mongunsub diolo mimbalajar om mimparagat balajar id sains tulen,” ka disio.

Daamot dilo, ka di Raime, sunduan piuludan id tanga mogigion mogisuai-suai tinaru om ugama id pogun diti lolobi kopio id timpu pamaramaian apatut posindakon om pogiroton moi kopiagal konsip 1Malaysia. – Dii Kalawon Sawing / Sayangsabah

Komen


Berita Berkaitan