Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta mositi poimbulai Zon Kotombuluian Poingabas Sukai id Sabah: Joniston

joniston-kamarlin-nasir-600x355-600x355
KOTA KINABALU: Porinta pogun mositi poimbulai zon kotombuluian poingabas sukai id kakadain ngawi tangagayo miagal Kota Kinabalu, Sandakan om Tawau montok mamagayat lobi ogumu tutumombului rumikot id Sabah, ka dii Datuk Joniston Bangkuai.

Isido ih ponogi Puru Walai Koundangan Pogun (ADUN) Kiulu minoboros do zon kotombuluian poingabas sukai dilo pinointutun id piro-piro pogun miagal Jepun, China om Turki om nokito nakaanu minamabayat korikatan tutumombului songkosuaian.

“Otumbayaan oku, kopimbulaian do “Tax- free tourism zones” diti kaanu mamagayat lobi ogumu tutumombului kumaa Sabah om potilombus poingkawas asil pandapatan pogun om Malaysia,” ka disio soira minopolombus Impohon do porinta id pitimungan walai koundangan pogun do hiti di kawawagu.

Ka disio, asil pandapatan di naanu maya siktor kotombuluian dilo aanu gunoon montok poburu kotundaan kotombuluian id pogun diti lolobi id labus kakadaian.

Tumanud dii Joniston, pamagayat sandad misorili om kolumison id kinoyonon labus kakadaian kaanu sislihon do tadon pandapatan kawawaagu kumaa mogigion labus kakadaian ih solinaid diti tumaid asil pomutanaman montok momoruhang pandapatan. – SayangSabah

Komen


Berita Berkaitan