Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta minoposoliwan ginumu kousinan monungolig ahal sandad misorili

Samsudin Yahya miampai komulakan id Ababayan Koisaan Komulakan Kampung Cenderamata kopihondot Ababaian Upuso Misorili id Pasir Puteh Jalan Batu Sapi, Sandakan.
Samsudin Yahya miampai komulakan id Ababayan Koisaan Komulakan Kampung Cenderamata kopihondot Ababaian Upuso Misorili id Pasir Puteh Jalan Batu Sapi, Sandakan.

SANDAKAN – Pomiramasan sandad misorili mantad sombohogian pongilang id pogun diti minononsog do porinta posoliwan kousinan di ogumu montok papanau karaja momiara om monungolig kawagu kinoyonon dilo.

Laang nokomoi montok popotindohoi tinungkusan sandad misorili om mogintong kopio atamangan om aadang o kualiti sandad misorili om kotundaan id pogun diti, potilombus manahak koposion dit osonong kumaa mogigion ngawi.

Sabap dilo, Puru Walai Koundangan Pogun (Adun) Sekong, Datuk Samsudin Yahya, minoposorou kumaa mogigion lolobi kopio tinimungan komulakan om sukod wagu id kinoyonon dilo do lobi kitonggungan madtamong ahal misorili.

“Mimang do tongggungan toinsanan puru amu intangan tinimungan komulakan, sukod wagu toi ko ih nongosukod do madtamong koborisian misorili,” ka disio.

Minoboros isido miagal dilo soira minanahak boboroson id Ababayan Koisaan Komulakan Kampung Cendaramata kopihondot Ababayan Upuso Misorili id Pasir Puteh Jalan Batu Sapi, hiti di tadau baino.

Ka di Samsudin, pingisaman dilo milo papanahon miampai papaanjur ababayan manahak kopurimanan om tumilombus tumanud papanau tonggungan momiara om potindohoi piadangan ekologi id watas diti. – Dii Sitti Nor Azizah Talata / SayangSabah

Komen


Berita Berkaitan