Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta minoposodia kosukupan balajaran montok kosuulan mogigion

Jaujan (duo mantad gibang) papatahak sakadai buuk balajaran kumaa songulun susumikul.
Jaujan (duo mantad gibang) papatahak sakadai buuk balajaran kumaa songulun susumikul.

SEMPORNA: Mogigion id pogun diti apatut mongunsikou kumaa porinta sabap minoposodia kosukupan balajaran di tosonong montok toinsanan, ka di Puru Walai Koundangan Pogun (Adun) Sulabayan, Dato’ Dr. Haji Jaujan Sambakong.
Minoboros isido ko komudahan prasarana miagal dilo okon nopo ko montok tangaanak sikul id Tadika, sikul tosiriba om piintangan takawas nga nonuan nogi porinta kosukupan id nayatan longkod balajaran takawas toi ko universiti.
“Sabap dilo, alansan oku toinsanan tangaanak sikul kaanu momoguno poimponu komudahan di pinosodia porinta montok komogoton om koinsonongon koposion diolo tohuri tadau,” ka disio.
Minoboros isido miagal dilo id ababayan panahakan sakadai kakamot sikul id SMK Bugaya II, hiti di konihab.
Sakadai miagal buuk, pinsil om mija pinatahak di Montiri Kotundaan Labus Kakadaian om Wlayah Datuk Haji Mohd.Shafie Haji Apdal ih ponogi Puru Parlimen Semporna.
Duo sikul nakaramit sakadai dilo kosuang SMK Bugaya I miampai toinsanan kos soginumu RM70 ribu. Pikikiro 300 tangaanak sikul nakaanu tutungkap dilo.
Jaujan ih ponogi Kumoduo Boyoon Umno Bohogian Semporna minoboros do sistom balajaran id pogun diti nopo nga iso mantad di goos osonong om ogumu susumikul mantad labus pogun mongoi pongoput balajaran do hiti. – Sayangsabah

Komen


Berita Berkaitan