Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Komulakan mositi koilo ‘Tragedi Salangit-Rundum 1915

radin

TENOM – Tragedi Salangit-Rundum ih naantakan toun 1915 nopo nga iso kinaantakan susuian montok Sabah ih apatut oilaan om sorohon tulun ginumuan lolobi komulakan.

Montiri Kotundaan Labus Kadaian Datuk Radin Malleh minoboros do pingisaman apatut polipaton montok poposibar kointalangan kumaa tulun ginumuan mooi pialaan susumangod Antanom aanu sorohon toinsanan puru.

“Yoho sondiri nga amu koilo susuian diti nga soira poinsikul, koilo oku nogi di susuian kinointalangan om sangod Antanom kumaa British maya buuk The Rebellion.

“Tumanud susuian dilo, suminaap ih Antanom sabap monungulig kopotutan pogun diti om tinaru disio lolobi bayaran wang kepala (sukai) id kinoyonon Pedalaman Sabah mantad penjajah,” ka disio.

Minoboros isido miagal dilo soira minanahak boboroson, luminansan di Kumoduo Boyoon Montiri Tan Sri Joseph Pairin Kitingan id kopotimpuunan Persatuan Tujuh Jurusan Keturunan Pahlawan Ontoros @ Antanom om karamaian 100 toun kinaantakan Salangit-Rundum id Dewan Daruk Seri Panglima Antanom do hiti. – Dii Kalawon Sawing / SayangSabah

Porinta mingisom monoibau kasalatan id talun alun

PAPAR – Momoguno mantad Papar, Sipitang om Beaufort kumaa id Kota Kinabalu pinosorou moi momoguno talun alun laid id watas diti sabagai alternatif mangalai kosoloton talun alun.

Kumoduo Montiri Karaja Tagayo Datuk Rosnah Abdul Rashid Shirlin minoboros do ilo nopo nga ralan panalasaian timpu toniba id mamaso magandad karaja momonsoi ralan kawawagu id watas dilo opongo poimponu.

“Id nayatan komontirian, nakaatag tokou no ralan diti mangan posoguluono nga tumanud ih agensi longkod do momonsoi koputusan.

“Montik porojik Pan Borneo kapaampai ralan laid om kawawagu, nosiliu sombohogian mantad pamalanan do monginsonong talun alun, Papar-Pengalat gisom id Lok Kawi,” ka disio kumaa maganu habar id Walai Poingukab Aidilfitri Puru Parlimen Papar id Dewan Masyarakat Papar do hiti.

Ababayan dilo notindapou di Boyoon Montiri Datuk Seri Musa Aman; Kumoduo dau ih ponogi Montiri Kotundaan Infrastruktur, Tan Sri Joseph Pairin Kitingan om Puru Walai Koundangan Pogun (ADUN) Kawang, Datuk Ghulam Khan Bahadar. – Dii Sitti Nor Azizah Talata / SayangSabah

Komen


Berita Berkaitan