Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta mingisom manalasai kobolihangkangan do waig oborisi

Pairin (wanan) mintong do replika empangan ih winonsoi kopihondot pitimungan Tadau Waig Sompomogunan Nayatan Sabah. - foto Alex Mairin
Pairin (wanan) mintong do replika empangan ih winonsoi kopihondot pitimungan Tadau Waig Sompomogunan Nayatan Sabah. – foto Alex Mairin

KOTA KINABALU – Porinta pogun mingisom do papanau mogisuai suai ponginsamakan montok momonu kopokionuan waig oborisi id pogun diti ih muhang ruhang monikid toun.

Boyoon Montiri Datuk Seri Musa Aman minoboros do miming noilaan noh koingkawason pomogunaan do waig om porinta pogun poinsodia tumoguang koporluan dilo moi kasasari kabagal.

“Nokito tokou kopokionuan takawas montok do waig id siktor ekonomi. Miagal nogi dilo ginumu mogigion id pogun diti ih muhang ruhang monikid toun.

“Kinoingkawason ginumu mogigion id siriba soriong tulun di toun 1980-an kumaa 3.12 riong di toun 2010 minogowit koingkawason koporluan do waig mantad 863 riong liter sangadau di toun 2005 kumaa 994 riong liter sangadau di toun 2010,” ka disio id boboroson kopotimpuunan Pitimungan Tadau Waig Sompomogunan Nayatan Pogun do hiti.

Boboroson disio pinolombus di Kumoduo Boyoon Montiri ih ponogi Montiri Kotundaan Infrastruktur Tan Sri Joseph Pairin Kitingan.

Nokotindapou nogi ih Monunurat Porinta Pogun Tan Sri Sukarti Wakiman; Montiri Kotundaan Mogigion om Ahal Momoguno Datuk Jainab Ahmad om Monunurat Tatap Komontirian Kotundaan om Infrastruktur, Datuk Michael Emban. – Dii Sitti Nor Azizah Talata / SayangSabah

Komen


Berita Berkaitan