Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta Longkod pikikiro monginsonong palabuhan Sepanggar: Tiong Lai

 Tiong Lai (tanga) om Tun Juhar Mahiruddin miampai tatamu di suai popirolot do lau sang id ababayan walai poingukab Toun Wagu Sina MCA. - foto Jabatan Penerangan

Tiong Lai (tanga) om Tun Juhar Mahiruddin miampai tatamu di suai popirolot do lau sang id ababayan walai poingukab Toun Wagu Sina MCA. – foto Jabatan Penerangan

KOTA KINABALU – Palabuhan Sepanggar id Menggatal somok hiti pikikiro insanangan montok silihon sabagi palabuhan di kosuul om manahak kosuulan kumaa mogigion Sabah.

Montiri Padsakaian, Datuk Seri Liow Tiong Lai minoboros do komontirian disio mingisom do monguhup mamagampot pingisaman dilo om monguhup mongingkuri kos di tonggungon dilo momoguno id pogun diti.

“Miampai haro palabuhan diti, kos padsakaian aanu mongingkuro om momouno do hiti nga kaanu gatang di lobi osiriba piagalon di pogulu.
“Laang dilo kotilombus popiagal do gatang kakamot id Semenanjung, Sabah om Sarawak,” ka disio soira minanahak boboroson id ababayan Walai Poingukab Toun Wagu Sina MCA Sabah id Dewan Masyarakat Menggatal, hiti di konihab.

Nokotindapou nogi ih Yang Dipertua Pogun Sabah, Tun Juhar Mahiruddin om sawo, Toh Puan Norlidah R.M Jasni.

Nokorikot nogi ih Kumoduo Boyoon Montiri Tan Sri Joseph Pairin Kitingan om Kumoduo Porosidon MCA, Datuk Dr. Wee Ka Siong. – SayangSabah

Komen


Berita Berkaitan