Sayang Sabah Facebook

Likes
Sayang Sabah Twitter

11,671

Followers

Sayang Sabah - Portal Berita Negeri Kita

Porinta Longkod mingisom manamong mogigion Sina: Salleh

10:23pm 15/02/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

salleh-3-600x450
KOTA BELUD : Porinta longkod kasasari mingisom monguhup om manamong mogigion Sina pogun diti id mogisuai-suai ahal kosuang koubasanan, balajaran om ikonomi, ka di Montiri Piromutan om Multimedia Datuk Seri Dr Salleh Said Keruak.

Minoboros isido do id suang kaganaan balajaran, porinta minoposodia garan tounan montok monguhuo sikul ngawi Sina, potilombus poingkawas kotundaan sikul dilo kopiagal sikul-sikul nouhupan poimponu porinta.

Id suang kaganaan ikonomi, porinta papanau pingisaman potilombus monguhup mogigion Sina maya kopoindalanan Sekretariat Kotundaan Mongindapu Malaysia (SAME) om Skim Pembiayaan Pongindopuan Tongokoro om Osuhatan (PKS) tinaru Sina dii Luguan Montiri Datuk Seri Najib Tun Razak ko-5 tulan Koonom toun nakatalib.

SAME, nopo nga iso bohogian kotundaan PKS om mikro kredit, ih tinuridong ko-1 tulan Kohopod om Iso 2014 id siriba Koupisan Luguan Montiri, kirikoton do manahak ponguhupan kumaa mongindapu PKS id toinsanan pisuk.

“Maya duo ababayan dilo, ih pinointutun montok momonu kopokionuan do mogigion Sina, kapanahon do Malaysia mamagampot ekonomi pogun di kalantoi agampot.

“Toluod mogigion Sina id saalom kotundaan pogun diti nopo nga pointalang kopio lolobi id kaganaan ekonomi… mongindapu om papadagang mantad tinaru Tionghua miampai wayaan kotundaan,” ka disio.

Minoboros isido miagal dilo soira minanahak boboroson id karamaian Toun Wagu Sina 2016 nayatan watas Kota Belud id SRJK (C) Chung Hwa, do hiti di kosodop. – BERNAMA

Apa Komen dan Pendapat Anda

Artikel Berkaitan