Sayang Sabah Facebook

Likes
Sayang Sabah Twitter

11,643

Followers

Sayang Sabah - Portal Berita Negeri Kita

Porinta kasasari posogulu kogunaan om ahal balajaran: Musa

1:09pm 16/11/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

musa
KOTA KINABALU: Boyoon Montiri Sabah Datuk Seri Musa Aman minoboros do porinta pogun kasasari manahak pongintangan om kopoguluanan kumaa kogunaan om ahal balajaran mogisuai-suai sabaagi wookon ababayan pogun.

“Ponginsamakan balajaran poompus koposion Komontirian Balajaran kirati okon nopo ko tangaanak i omulok kopio apat toun no kaanu do balajaran prasekolah id ralan poimbida nga nogi tulun totuo i kaanu balajaran miagal do maya Kelas Dewasa Orang Asli om Peribumi (KEDAP) i pinoimagon ontok 2008,” ka disido.

Minoboros isido dino ontok pinopoimagon ramai konvensyen 450 tutumanud ababayanabaabazan KEDAP ko-4 do hiti.

Pason disido binasa di Montiri Kotombuluian, Koubasanan om Sandad Posorili Datuk Seri Masidi Manjun.

Ababayan KEDAP pinointutun do Komontirian Balajaran ontok 2008 montok popotounda balajaran kopogulu kumaa molohing di amu kabasa id suang mogigion labus kakadaian.

Tumanud di Musa kinalantaian tutumanud KEDAP minomupus ababyan dilo pinopoinsawat kinawas amu kabasa id pogun diti om ino nosiliu pongunsub kumaa sinakagon tomulok gumampot kalantaian id suang balajaran.

“Miagal di noilan dotokou balajaran papanau tonggungan kiguno id suang popoburu pomitanan tulun sinakagon abantalan i kalantoi.

“Porinta Sabah id ralan potilombus kopoinsawatan kinawas balajaran do hiti. Suai ko sikulasip porinta manakadai tusin di togumu kumaa sikul mogisuai-suai bohogian monikid toun,” ka disio.

Toinsanan 450 tutumanud KEDAP i kiumur id pialatan 25 om 83 toun nakaramit sijil nokopupus balajaran mantad di Masidi. Minangawi iyolo timpu pialatan onom om turu tulan montok minomupus ababayan dilo id 18 sikul tosiriba id pototongkop Sabah. – BERNAMA

Apa Komen dan Pendapat Anda

Artikel Berkaitan