Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porinta apatut momonsoi pangantob do luyud id Bongawan

Bahrul (tanga) papatahak toluod CIS montok mogigion di naantakan do luyud id DUN Bongawan kumaa di Mohamad. – foto Monica Gidong
Bahrul (tanga) papatahak toluod CIS montok mogigion di naantakan do luyud id DUN Bongawan kumaa di Mohamad. – foto Monica Gidong

KOTA KINABALU – Porinta pinokianu momonsoi porojik pangantob do luyud id kinoyonon di insaru aantakan do luyud id pogun diti kosuang kinoyonon Walai Koundangan Pogun (DUN) Bongawan.

Puru Walai Koundangan Pogun (Adun) Bongawan Mohamad Alamin minoboros do, kosuul ilo montok mogintong kopio korumbakan do luyud ih kopogowit korugian om kobolihangkangan tagayo aanu lipantaion miampai lobi kiwaya.

Sabap dilo, mokianu isido kumaa toinsanan koupisan om agensi porinta nokomoi do momonsoi ponoriukan tosorisid montok mogihum ralan panalasaian laang toniba om anaru manalasai kobolihangkangan luyud lolobi id kinoyonon Bongawan.

“Sundung potuu do pamansaian do porjik pangantob luyud dilo momoguno balanja dit agayo nga, insan noh posoliwanon piagalon kaantakan korumbakan luyud ih aantakan monikid toun om asansagan posoliwan soginumu kousinan do monginsonong kinaraagan,” ka disio.

Minoboros isido miagal dilo kumaa maganu habar kalapas minamaramit toluod soginumu RM5,000 montok mogigion naantakan do luyud id DUN Bongawan mantad Cement Industries Sabah (CIS) Sdn. Bhd. ih pinatahak di Potunud Eksekutif dau Bahrul Razha Chuprat id Wisma Tun Fuad Stephens Karamunsing, hiti di songkonihab. – Dii Monica Gidong / SayangSabah

Komen


Berita Berkaitan