Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Popoburu media pinokianu palabus khabar di tosonong om otopot

kurup media

KENINGAU: Popoburu ngawi media mositi papalabus khabar di tosonong om otopot lolobi kopio i haro kogompitan id suang kotundaan pomitanaan tulun om pogun.

Montiri id Koupisan Luguan Montiri Tan Sri Joseph Kurup minoboros do media timpu baino kitonggungan monulung papantod pilumaagan rayat tu ilo nopo nga impohon kiguno id suang popoimbulai pomumusarahan mogigion lolobi kopio media kawawagu i nosiliu korohian sukod wagu.

Ka disio, nung aiso sokodung bohogian media, pokimamahaan do porinta montok monulung rayat lolobi kopio id suang popotindohoi om papantod pilumaagan rayat amu aanu momonsoi miampai osonong.

“Mantad dilo tonggungan media sabagi mato om tolingo porinta id suang pokimamahaan popoimbulai mogigion di misompuru, mipantang miampai momoguno konsep di ula-ula miagal di pinosorou di Luguan Montiri kiguno kopio,” ka disio.

Minoboros isido miagal dilo ontok minamason id ramai mongukab puasa miampai media Pedalaman Atas id Hotel Perkasa, do hiti di tadau Kaapat. – Dii Kalawon Sawing / SayangSabah

Komen


Berita Berkaitan