Sayang Sabah Facebook

Likes
Sayang Sabah Twitter

11,798

Followers

Sayang Sabah - Portal Berita Negeri Kita

Popironit dupot gajah id Sabah

11:36am 25/02/2016 Maryann 0 views Abal Kinoyonon,Kinoyonon,Kota Kinabalu

gajah1-600x404
KOTA KINABALU: Ponoriukan di pinapanau sontinimungan saintis nokokito do gontob pisuaian genetik di osiriba id tanga populasi gajah Borneo id Sabah.

Iti nopo nga wookon kosimpulan di haro id karatas ponoriukan ih pinalabus id saalom talian tadau Koduo nakatalib mantad sontinimungan saintis mantad Longkod Lapangan Danau Girang (DGFC, Sabah), Cardiff University (United Kingdom), kotinanan okon ko porinta HUTAN (Sabah), Instituto Gulbenkian de Ciencia (Portugal), Institute for Systems Genomics (Amerika Syarikat), CNRS (Perancis) om Koupisan Dupot Talun Sabah.

Ponoriukan dilo nakaanu kousinan mantad Initiative for the Survival of Species, US Fish and Wildlife Service, Elephant Family, Houston Zoo, Columbus Zoo dan Portuguese Science Foundation.

Potunud DGFC Dr Benoit Goossens minoboros do di toun 2005 gisom 2007, tinimungan dau minangawi timpu piro-piro tulan monimung sampel do taih mantad toinsanan variasi gajah id Sabah om minonoriuk DNA diolo montok monorisid kopogisuai suaian do genetic dau om nogi manantu gontob pisuaian populasi om tinimungan di haro.

“Kototongob kopio soira nokito gontob koluyungon gen populasi gajah id Sabah nokoinsiriba om pisuaian do genetik ih atalang nopo nga id tanga populasi, lolobi id Kinabatangan, Tabin om kinoyonon tengah Sabah (Malua, Ulu Segama, Kalabakan, Kuamut om Gouton Pinoopi Gunung Rara),” ka disio ih ponogi boyoon monunurat ponoriukan dilo id iso kointalangan do hiti di konihab.

Minoboros isido do nunu ih kagayat ginawo, populasi Kinabatangan nokito haro genetik di mogisuai-suai. – BERNAMA

Apa Komen dan Pendapat Anda

Artikel Berkaitan