Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan moguung pinotilombus gisom ko-19 tulan Kolimo

esszone-600x367
KOTA KINABALU: Ponuhuan Moguung id kinoyonon kowoigan turu watas id Zon Atampasi Kosilahon Sabah (Esszone) ih nopupusan kosodop potilombuson gisom tadau ko-19 tulan Kolimo, mimpuun tadau baino jam ko-7 totuong gisom ko-5 kosuabon, ka dii Posurujaya Polis Sabah Datuk Abdul Rashid Harun.

Ka disio, ponuhuan moguung dilo kapaampau kinoyonon kowoigan watas Tawau, Semporna, Kunak, Lahad Datu, Kinabatangan, Sandakan om Beluran.

“Miampai koimpuun o ponuhuan moguung diti, tulun di poingion id kinoyonon dilo pinokianu mundorong id suang walai (om tulun suai amu pasagaon sumuang toi ko mimpanau) id kinoyonon di poinsuang ponuhuan moguung id timpu dilo,” ka disio id iso kointalangan do hiti di baino.

Tumanud disio laang potilombus ponuhuan moguung dilo nopo nga montok mogintong kopio kinoyonon kowoigan dilo amu osoruang tulun taraat ih kaanu monompuronok koumoligan tongo monoriuk sompomogunan om tutumombului ih tumombului id pulou podtungongisan id kinoyonon dilo.

Abdul Rashid minoboros do tumanud kointalangan di naramit, tinimungan mantad koributon Polipin ih papanau karaja panangayan montok mokianu tusin tobusan om tinimungan Abu Sayyaf kakal mumbal monoruang do kowoigan ESSZone montok papanau kasalan tawagat dumarapas piolitan.

Ka disio, suai ko montok mamajamin koumoligan om kosimbayanon rayat pogun diti, ponuhan moguung dilo papasanang do puru ponguatkuasaan om pamantauan kumaa kapapanahan om nogi poimbulai kopurimanan otungolig id tanga mongusaha ngawi chalet om monginsada maya korikatan puru koumoligan. – BERNAMA

Komen


Berita Berkaitan