Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan moguung mamajamin kotungoligan rayat: Nasir Sakaran

Nasir Sakaran (apat mantad wanan) rumamit pongitanan mantad di Gan Sau Wah (onom mantad gibang) id walai poingukab Toun Wagu Sina id Bandar Mutiara Resort, Semporna.
Nasir Sakaran (apat mantad wanan) rumamit pongitanan mantad di Gan Sau Wah (onom mantad gibang) id walai poingukab Toun Wagu Sina id Bandar Mutiara Resort, Semporna.

SEMPORNA – Ponguatkuasaan ponuhuan moguung id Zon Atampasi Kolisahon Sabah (Esszone) apatut potilombuson sabagi iso ralan do mamajamin kotungoligan mogigion id pogun diti om mangantob kasalaan tumalib piolitan id pogun diti.
Puru Walai Koundangan Pogun (Adun) Senallang, Datuk Nasir Sakaran minoboros do kotumbayaan do rayat lolobi kopio ih papaapu id watas diti nokoingkawas soira okito osimbayan yolo papanau pongindopuan miagal koubasanan id kinoyonon ampung toi ko pulau id watas diti mantad nokotimpuun o ponuhuan moguung.
“Kotumbayaan do mogigion om papaapu ngawi dilo okito id karamaian di pinapanau id watas diti ih nakaanu mamaramai miampai aiso katangaban om korosian mantad nokoimbulai kinaantakan ponugkuan id onduo duo toun nakatalib,” ka disio kumaa maganu habar, hiti di konihab.
Pogulu dilo, nokotindapou isido walai Poingukab Toun Wagu Sina id walai Kumoduo Porosidin Gabungan Mogindapu Tionghua Malaysia ih ponogi Porosidin SUCCC Sabah, Datuk Gan Sau Wah.
Sabap dilo, pinosorou di Nasir mogigion mogisuai suai tinaru id watas diti do tumilombus mongubas koubasananan mogitombului-tombului id karamaian montok popogirot piuludan om pirotian. – SayangSabah

Komen


Berita Berkaitan