Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan moguung id Esszone pinourut gisom 21 tulan Kowalu

esscom

KOTA KINABALU: Fasa ko-24 ponuhuan moguung id kowoigan Zon Atampasi Kosilahon Sabah (Esszone) ih nopupusan tadau baino pinourut mimpuun tadau ko-6 gisom tadau ko-12 tulan Kowalu diti, jam 7 totuong gisom 5 kosuabon.

Kopoindalanan dilo kapaampai sosinodu tolu watu nautika matad tisan do rahat kowoigan onom watas kaampai Sandakan, Kinabatangan, Semporna, Lahad Datu, Kunak, om Tawau.

Posurujaya Pulis Sabah Datuk Jalaluddin Abdul Rahman miinoboros do koputusan popourut ponuhuan moguung dilo pinapanau kalapas mangadang kowowoyoon kotungoligan id kinoyonon nokomoi om nogi mantad kopokionuan tulun ginumuan.

Ka disio, koputusan dilo tumanud kointalangan karait pogumbalan mantad ‘Kidnapping For Ransom’ (KFR) om tinimungan Abu Sayyaf ih kakal mumbal monoruang om papanau kasalaan dumarapas piolitan kosuang monongoi om manakau kisindata.

“Iti montok mamajamin koumoligan om kotoronongon momoguno kowoitan id tisan kosilahon, tutumombului om mogigion Sabah lolobi id Esszone,” ka disio id iso kointalangan do hiti di konihab.

Ka disio, pourutan ponuhuan moguung dilo nogi nga papasanang puru koumoligan papanau karaja monguatkuasa kosuang mogintong toinsanan pamanahan do bot ih kororosi om mangantob ponoludupan do tulun, dadah om sindata tapui. – BERNAMA

Komen


Berita Berkaitan