Sayang Sabah Facebook

Likes
Sayang Sabah Twitter

11,644

Followers

Sayang Sabah - Portal Berita Negeri Kita

Ponuhuan moguung id ESSZone pinotilombus gisom ko-3 tulan Kolimo

10:29pm 17/04/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

perintah berkurung
KOTA KINABALU: Ponuhuan moguung id kinoyonon kowoigan turu watas id Zon Atampasi Kosilahon Sabah (ESSZone) ih nopupusan tadau baino pinourut gisom tadau ko-3 tulan Kolimo diti, mimpuun 18 tulan Kaapat mantad jam 7 totuong gisom ko-5 minsusuab, ka di Posurujaya Pulis Sabah Datuk Abdul Rashid Harun.

Minoboros ih Abdul Rashid do ponuhuan moguung dilo kapaampai kinoyonon kowoigan watas Tawau, Semporna, Kunak, Lahad Datu, Kinabatangan, Sandakan om Beluran.

“Miampai kokuatkuasa ponuhuan moguung diti, tulun ginumuan ih poingion id kinoyonon dilo pinokianu mooi mundorong id walai (om tulun suai amu pasagaon sumoruang toi ko poingion) id kinoyonon di poinsuang ponuhuan moguung,” ka disio id kointalangan do hiti di konihab.

Tumanud disio laang potilombus ponuhuan moguung dilo montok mogintong kopio kinoyonon kowoigan dilo amu osoruang do tulun taraat ih kaanu monompuronok koumoligan monoriuk sompomogunan om tutumombului ih mongoi tombului id pulou ngawi podtungongisan kinoyonon nokomoi.

Ka dii Abdul Rashid tumanud kointalangan di naramit, tinimungan mantad kotonobon Polipin ih papanau karaja monongoi montok mokianu tusin tobusan om tinimungan Abu Sayyaf kakal mumbal monoruang kowoigan ESSZone montok papanau kasalaan tawagat dumarapas piolitan.

Ka disio suai ko mamajamin koumoligan om kosimbayanon tulun pogun diti, ponuhuan moguung dilo kaanu papasanang puru monguasa mogintong om madtamong koumoligan id kinoyonon nokomoi. – BERNAMA

Apa Komen dan Pendapat Anda

Artikel Berkaitan