Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan Moguung id Esszone pinotilombus gisom 25 tulan Koiso diti

perintah berkurung
KOTA KINABALU: Ponuhuan moguung ih opupusan tadau suab, ih nokotimpuun mantad podii 19 tulan Koturu toun nakatalib id Kinoyonon kowoigan Zon Atampasi Kolisahon Sabah (Esszone) pinotilombus gisom 25 tulan Koiso diti mantad jam ko-7 totuong gisom 5 kosuabon.
Posurujaya Pulis Sabah Datuk Jalaluddin Abdul Rahman minoboros do koputusan potilombus timpu ponuhuan dilo winonsoi kalapas puru kotungoligan minonilai kowowoyoon kotungoligan id timpu diti om nogi kopokionuan mogisuai-suai puru, kosuang monginsada om mogigion id kinoyonon nokomoi.
Ponuhuan monguung dilo kosuang kowoigan id watas Sandakan, Kinabatangan, Lahad Datu, Kunak, Semporna om Tawau.
“Tumanud kointalangan mantad kotinanan monginsada, pongusaha longkod kotombuluian om tutumombului id kinoyonon Esszone, kopuriman yolo lobi otungolig papanau karaja monikid tadau miampai haro ponuhuan moguung,” ka disio kumaa maganu khabar id ababayan Ptitimungan Tulanan id Longkod Tupis Pulis Kontinjen Sabah, hiti di, tadau baino.
Suai ko ilo, ka disio, ponuhuan do moguung dilo nga kaanu poposonong puru monguasa om kotungoligan mogintong om mangantob ralan tulun tangaraat sumoborong id piolitan lolobi dongotuong.
Pogulu dilo, soira minanahak boboroson id ababayan, minopoilo ih Jalaluddin do pongintaban kasalaan montok toun 2014 minopokito kinoinsiribaan soginumu 560 kiis piagalon di toun pogulu diti.
Ka disio, pongintaban kasalaan monoruang do walai toun nakatalib minoporuput soginumu 1,377 kiis piagalon 1,665 kiis toun 2013.
“Soginumu 2,564 kiis naanu minanalasai di toun nakatalib ilo nopo nga 49.19 pihatus piagalon toun pogulu soginumu 2,789 kiis (48.32 pihatus),” ka disio. – Dii Nuzir Andi Samsiar / SayangSabah

Komen


Berita Berkaitan