Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan moguung id Esszone pinotilombus gisom 17 tulan Kaapat

esszone2-600x367-600x367-600x367
KOTA KINABALU: Ponuhuan moguung id kinoyonon kowoigan turu watas id Zon Atampasi Kosilahon Sabah (Esszone) pinotilombus gisom ko-17 tulan Kaapat, mantad jam 7 totuong gisom 5 kosuabon, ka dii Posurujaya Polis Sabah Datuk Abdul Rashid Harun.

Minoboros ih Abdul Rashid do ponuhuan moguung dilo kapampai sinodu tolu batu nautika mantad kinoyonon tisan rahat watas Tawau, Semporna, Kunak, Lahad Datu, Kinabatangan, Sandakan om Beluran.

“Miampai mimpuun ponuhuan moguung diti, tulun ginumuan ih poingion id kinoyonon dilo pinokianu mundorong id suang walai (om tulun suai amu pasagaon sumuang toi ko id koliwanan) kinoyonon di pinosuang ponuhuan moguung,” ka disio id iso kointalangan do hiti.

Ka disio laang ponuhuan moguung dilo montok mogintong kopio kinoyonon kowoigan dilo amu osoruang do tulun taraat ih kaanu monompuronok koumoligan ponyolidik sompomogunan om tutumombului ih tinombului id pulou ngawi dilo.

Ka dii Abdul Rashid tumanud kointalangan di naramit, tinimungan mantad koributon Filipina ih papanau karaja mononongoi montok mokianu tusin om tinimungan Abu Sayyaf kakal mumbal monoruang kowoigan Esszone montok papanau kasalaan dumarapas piolitan. – BERNAMA

Komen


Berita Berkaitan