Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Ponuhuan moguung apatut potilombuson montok mangantob kasalaan tumalib piolitan

Perlu-Dilanjutkan-600x366
SEMPORNA – Ponuhuan moguung ih pinapanau do porinta toun nakatalib id onom watas id Zon Atampasi Kolisahon Sabah (Esszone) nopo nga laang goos osonong id suang pingisaman do mangantob kasalaan tumalib piolitan om ponoruangan id kinoyonon nokomoi.

Puru Koundangan Pogun (ADUN) Senallang, Datuk Nasir Sakaran minoboros do ponuhuan moguung dilo apatut mangan potilombuso montok mamajamin kotungoligan om kotoronongon rayat lolobi id Kinoyonon Tisan Kolisahon Sabah.

“Iti nga popokito pingisaman do porinta id suang papanau tonggungan madtamong kotungoligan pogun om rayat,” ka disio kumaa maganu habar kalapas minongoi tombului id jeti Kotombuluian Semporna, hiti di baino.

Otumbayaan ih Nasir do, puru kotungoligan papanau karaja diolo miampai pimponu tonggungan om maganu laang di okoduo kummaa isai nogi ih mumbal monoruang om mangasou kotungoligan pogun.

Nasir ih ponogi Ponorikohon Kotinanan Kotundaan Ekonomi Sabah (Sedco) nga minoposorou nogi kumaa monginsada lolobi monginsada koubasanan id Tisan Kolisahon Sabah do tumanud ponuhuan di pinosoliwan suai ko mangapalai permit kasagaan do sumoliwan mongoi ponginsada montok potilombus mogihum tadon koonunuan diolo id rahat.

Kopihondot dilo, mokianu ih Nasir kumaa toinsanan mogigion id pogun diti do manahak ponguhupan poimponu kumaa puru kotungoligan kosuang nogi manahak kointalangan kumaa diolo sokiro haro noh aantakan amu osonong.

Ponuhuan moguung dilo kosuang nogi watas Sandakan, Kinabatangan, Lahad Datu, Kunak, Semporna om Tawau pinotimpuun do porinta mantad podii tadau ko-19 tulan Koturu toun nakatalib solinaid 14 taau gagama sangod tinimungan kisinjata kumaa duo puru pulis Marin id Pulau Mabul di tadau ko-12 tulan Koturu 2014. – SayangSabah

Komen


Berita Berkaitan