Sayang Sabah Facebook

Likes
Sayang Sabah Twitter

11,998

Followers

Sayang Sabah - Portal Berita Negeri Kita

Ponuhuan Gaji Minimum RM1,000 mimpuun ko-1 tulan Koturu

2:16pm 02/05/2016 Maryann 5 views Abal Kinoyonon,Berita Pilihan,Kinoyonon,Kota Kinabalu

gaji
PUTRAJAYA: Ponuhuan Gaji Minimum 2016 (PGM 2016) mimpuun tadau ko-1 tulan Koturu toun diti kumaa toinsanan majikan miampai amu monutun ginumu kukumaraja, ka di Montiri Sumber Manusia Datuk Seri Richard Riot Jaem.

Ka disio, ponuhuan dilo kapaampai toinsanan kukumaraja id siktor swasta amu kosuang o pekhidmat domestik (amah) miagal di poinsuang id PGM 2012.

“Nosorisid noh porinta toinsanan syor ih pinatahak do Kounsil Pirundingan Gaji Pogun om nakapaganu ponginsamakan ‘balanced approach’ om minangadang kosuulan koduo-duo puru ilo nopo nga majikan om kukumaraja,” ka disio id iso kointalangan do hiti di tadau Koiso.

Ka disio, maya PGM 2016, kadar gaji minimum pinatatap tumanud wilayah ilo nopo nga RM1,000 sombulan toi ko RM4.81 sanjaam montok Semenanjung Malaysia om RM920 sombulan toi ko RM4.42 sanjaam montok Sabah, Sarawak om Labuan,” ka disio.

Tumanud disio, montok gaji minimum monikid tadau nopo nga tumanud do ginumu jam poinkaraja maksimum sominggu ilo nopo nga 48 jam montok Semenanjung Malaysia.

“Montok onom tadau pakaraja id suang sominggu, kadar gaji minimum monikid tadau nopo nga RM38.46, (limo tadau/somingu, RM46.15) om (apat tadau/somingu, RM57.69),” ka disio.

Montok Sabah, Sarawak om Labuan nopo montok onom tadau pakaraja id suang sominggu, gaji minimum monikid tadau nopo nga RM35.38, (limo tadau/sominggu, RM42.46) om (apat tadau /somingu, RM53.08),” ka disio.

Tumanud dii Riot montok kukumaraja di baraian tumanud karaja, berat tan, karaja, pamanahan toi ko komisen, kadar gaji monikid tulan di apatut baraian mositi amu okurang mantad RM1,000 id Semenanjung Malaysia om RM920 id Sabah, Sarawak om Labuan. – BERNAMA

Apa Komen dan Pendapat Anda

Artikel Berkaitan