Sayang Sabah Facebook

Likes
Sayang Sabah Twitter

11,752

Followers

Sayang Sabah - Portal Berita Negeri Kita

Ponoriukan kawagu sistom poilihan korita id kakadaian KK

8:51pm 25/02/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

KKCCI
KOTA KINABALU: Kota Kinabalu Chinese Chamber of Commerce and Industry (KKCCCI) ih binuruan dii Porosidin KKCCCI Datuk Michael Lui Yen minapaharo tombului tapantang kumaa dii Mayor Bandaraya Kota Kinabalu Datuk Yeo Boon Hai id tupis dau do hiti di sosodopon baino.

Id pirubaan dilo, minapaatag ih Michael piro-piro atag ponginsanangan kumaa dii Yeo montok onuon laang sumusuhut kumaa ahal dilo.

Wookon nopo ahal dilo nga monginsonong do sistom talun alun id posorili kakadaian om mangapalai kumaa DBKK mooi podokot do CCTV id kinoyonon strategik sabaagi platfrom montok lumipantai kasalaan tawagat.

Pinoboros nogi dii Michael kosodiaan montok manahak ponguhupan kumaa DBKK id pingisaman potunda siktor kotombuluian id posorili kakadaian diti.

“Kota Kinabalu haro kaangayan takawas montok mamagayat lobi ogumu tutumombului tumombului id kakadaian diti lolobi mantad China om puru KKCCCI poinsodia manahak ponguhupan montok poposiliu kakadaian diti sabaagi suruga kotombuluian om potilombus poingkawas ekonomi,” ka disio.

Minanahak nogi ih Michael sokodung kumaa pingisaman do DBKK madtamong koborisian id posorili kakadaian diti om paatag mooi soriukon kawagu sistom poilihan do korita id kakadaian diti.

Daamot dilo ka dii Yeo toinsanan atag di pinoboros do puru KKCCCI dilo mangan papanaho om miuhup id tiso om tiso montok mamajamin kalantaian do monginsonong.

“Monokodung oku atag di pinoboros do puru KKCCCI om miagal di noboros ku pogulu diti, koborisian nopo nga kosuul kopio,” ka disio. – Sayang Sabah

Apa Komen dan Pendapat Anda

Artikel Berkaitan