Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Ponorinaan padsakaian kogumuan id ponongsokid pinoingkawas

12:16pm 16/04/2016 Maryann 0 views Abal Kinoyonon,Berita Pilihan,Keningau,Kinoyonon

nabawan
KENINGAU: Kotinanan Polisinan Padsakaian Pidagangan (LPKP) Sabah kiatag do poimbulai raan tupis ponorinaan dau do hiti montok poingkawas ponorinaan kumaa pongusaha padsakaian kogumuan id kinoyonon Ponongsokid.

Ponorikohon dau Datuk Raime Unggi minoboros do, kopoimbulaian raan tupis LPKP id watas diti nopo nga oporlu sabap ilo nopo nga iso koporluaan montok mogigion Ponongksokid lolobi montok pongusaha padsakaian kogumuan.

“Koponuridongan do raan LPKP do hiti koponginiba’ timpu om koponginsiriba’ kos di mongungusaha’ teksi om bas nogi’ padsakaian awagat id poonosokid tu’ amu’ nodi nuru’ tumingan doid upis LPKP id Kota Kinabalu,” ka disio.

Isio i po nogi’ Puru Parlimen Tenom minoboros dilo’ di maso pinibaabarasan miampai tongo’ ponorikohon Koisaan Teksi om Bas Bohogian Poonsokid id songinan hotel do hiti di songkoniihab.

Minoboros po nogi’ isio do montok momoruhang nindopuan di tongo’ mongungusaha’ teksi om bas do hiti, LPKP nga’ mangatag nogi’ do koponuridongan songinan terminal montok kogoogonopan do susumakai.

Minongomi bohit di tongo’ mongungusaha’ padsakaian ginumuan do hiti kokomoi di kotorinaan ‘korita’ sapu’, pinokianu di Raime o Bohogian Kikuasa’ Nokoiyonon (PBT) do maganu laang monoibau kobolingkahangan dilo’.

Id timpu di miagal, nunsub disio tongo’ mongungusaha’ teksi om bas mooi do toririmo manahak kotorinaan bobos tosonong kumaa tongo’ susumakai. – SayangSabah

Apa Komen dan Pendapat Anda

Artikel Berkaitan