Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Ponongkusan Ponulungan Unitar-SIDMA 2016 nakaanu monimung RM14,000

11:05pm 15/02/2016 Maryann 2 views Abal Kinoyonon,Berita Pilihan,Kinoyonon,Kota Kinabalu,Sipoot

unitar2
KOTA KINABALU: Ponongkusan Ponulungan Unitar-Sidma 2016 nakaanu minonimung tusin soginumu RM14,000 montok patahakon kumaa Rumah Anak Yatim Al-Mughni Penampang om Kotinanan Mangantob Dadah Malaysia (PEMADAM) kinoyonon Kakadaian Kota Kinabalu ih linansan di Ponorikohon dau Mayor DBKK, Datuk Yeo Boon Hai.

Tumanud Ponorikohon Kolej Sidma, Dr Mornie Kambri, ponongkusan ponulungan dilo kituduan monimung do tusin montok Kotinanan Tanak Aiso Molohing, ilo nopo nga Rumah Anak Yatim Al-Mughni, Penampang om PEMADAM.

“Sidma om Unitar mangatag montok posiliu ababayan diti sabaagi ababayan tounan ontok timpu umikot montok mongubas koubasanan koposion tolidas id tinimungan mogigion posorili,: ka disio,

Minoboos isid miagal dilo id karamaian kopotunuian tutungkap kuminaa di nakalantoi ponongkusan ponulungan Unitar-Sidma, id Kompleks Sipoot Likas, do hiti di tadau Koonom, nakatalib.

Minoboos i Dr Morni, Kolej Sidma tumilombus manahak sokodung miampai DBKK montok papanau ababayan ngawi kotundunan ontok timpu rumikot.

“Maya ababayan diti, popotindooi ngaran do Kolej Sidma kumaa iso impoon di lobi kinawas id suang bohogian balajaran om kotorinaan mogigion,” ka disio.

Daamot dilo tumanud Timbang Canselor UNITAR International University, Professor Dr. Sakina Sofia ababayan miagal diti kaanu popiinsomok do susumikul om mogigion kinoyonon.

Mayor Bandaraya tinanud id ponongkusan dilo minoboros do ababayan diti kaanu mongubas do mogigion mooi mintingubas kopoposion tolidas.

Soginumu 2013 tutumanud nakaampai id pogusaan ilo kosuang 191 tutumanud mantad labus Sabah, ilo nopo nga mantad Singapura, Kuching, Pulau Pinang om Taiping. – SayangSabah

Apa Komen dan Pendapat Anda

Artikel Berkaitan