Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pongurusan do sipoot pinokianu amu magandad “pomisunudan”

Tawfiq (tolu mantad wanan) popotunui pongitanan kumaa kukumaraja KBS id ababayan koundolihan Pongurus Tagayo Kotinanan Sipoot Pogun Sabah (LSNS), Karamaian Krismas KBS om Jasamu Dikenang montok bagas puru ngawi LSNS id Walai Lintuhunon, Kompleks Sipoot Likas Kota Kinabalu. – foto Jimmy Tan
Tawfiq (tolu mantad wanan) popotunui pongitanan kumaa kukumaraja KBS id ababayan koundolihan Pongurus Tagayo Kotinanan Sipoot Pogun Sabah (LSNS), Karamaian Krismas KBS om Jasamu Dikenang montok bagas puru ngawi LSNS id Walai Lintuhunon, Kompleks Sipoot Likas Kota Kinabalu. – foto Jimmy Tan

KOTA KINABALU – Pongurusan sipoot id nayatan watas pogun diti apatut mingisom do mongintutun om manalasai nunu nopo kobolihankangan karait ahal ngawi sipoot id siriba karaja toiso-iso diolo miampai amu magandad pononsunudan mantad puru takawas.

Montiri Komulakan om Sipoot Pogun, Datuk Tawfiq Abu Bakar Titingan minoboros do kosuul o laang dilo montok mogintong kopio waya osonong om kotundaan komontirian nokomoi sabagi kotinanan tagayo sipoot pogun diti id suang madtamong ahal kotundaan sipoot pogun.

Tumanud disio, kalamakan do pongurusan sipoot id nayatan watas okon nopo ko popoimbulai ahal toi ko kobolihangkangan nga kosiliu ahal do paparatu KBS om puru nakatantu maya sosial media.

“Amu tokou milo do poundorong nopo, sabap nunu ih wonsoion tokou oruhai kosibar. Sabap dilo apatut tokou mingat-ingat om koilo pomusarahan do rayat. Id ahal diti apatut tokou manalasai nunu nopo kobolihangkangan di otoguang,” ka disio, hiti di konihab.

Minoboros isido miagal dilo soira minanahak boboroson id ababayan kopoundolihan Pongurus Tagayo Kotinanan Sipoot Pogun Sabah (LSNS), Pamaramaian Krismas KBS om Jasamu Dikenang montok bagas puru ngawi LSNS id Walai Lintuhunon Kompleks Sipoot Likas Kota Kinabalu.

Nokotindapou nogi ih Monguhup Montiri dau, Datuk Masiung Banah; Monunurat Pointatap Komontirian Datuk Suzanah Liaw; Ponorikohon Kotinanan Sipoot Pogun Sabah Datuk Louis Rampas om Kumoduo disio Mahmud Awang Husin.

Ka di Tawfiq, puru disio amu manu haro aantakan boboroson amu osonong mantad rayat lolobi kopio karait komudahan sipoot ih nowonsoi om nokosodia porinta maya komontirian nokomoi. – Dii Sitti Nor Azizah Talata / SayangSabah

Komen


Berita Berkaitan