Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pongunsuban songkosuaian do mongobi, laang kopononsog

salleh
KUALA LUMPUR: Montiri Piromutan om Multimedia Datuk Seri Dr Salleh Said Keruak minoboros do pongunsuban dii Tun Dr Mahathir Mohamad mooi puru labus moobi id urusan saalom pogun diti nopo nga iso laang di kopononsog.

Sabap dilo, alansan isido bagas luguan montiri dilo amu tumomod do mogihum sabap mooi isido sondiri agakom miampai tuduan mokianu kosianan mantad tulun ginumuan soira ih Dr Mahathir minoposunud kumaa habar Australia, The Weekend Australian, do lumansan Luguan Montiri Datuk Seri Najib Tun Razak sumunsuri.

“Kinoburuon kawawagu diti minopotigog kopio om nokotigoo oku dii Dr Mahathir sabap nakasangup minapaatag ahal dilo.

“Mamaso ih Dr Mahathir poin luguan montiri di pogulu, sokiro haro hombo-hombo pogun toi ko porinta songkosuaian moboros karait Malaysia, simbaron dii Dr Mahathir om momisunud diolo do aiso kopotutan diolo montok mongobi toi ko sumuang id ahal salalom Malaysia,” ka dii Salleh id sinuratan kawawagu disio maya blog dau (sskeruak.blogspot.com).

Minoboros ih Salleh do mamaso ih Dr Mahathir nosiliu luguan montiri, isai-isai aktivis pulitik kinoyonon di miuhup do porinta songkosuaian montok paparaat do Malaysia nga mangan tahano sabap mongumpadan.

“Tulun nokomoi mangan tahano miampai alasan do minongumpadan om miuhup do kuasa songkosuaian montok paparatu koporintaa di pinili do rayatid karalanon demokratik. – BERNAMA

Komen


Berita Berkaitan