Sayang Sabah Facebook

Likes
Sayang Sabah Twitter

11,701

Followers

Sayang Sabah - Portal Berita Negeri Kita

Ponguatkuasaan gatang kaantaban timpu karamaian Kaamatan, Gawai di lobi anaru

10:32am 17/05/2016 Maryann 4 views Abal Kinoyonon,Berita Pilihan,Kinoyonon,Kota Kinabalu

kpdnkk23-600x338
TAWAU: Timpuu kopoindalanan Skim Kawalan Harga Musim Perayaan toi ko Skim Kaantaban Gatang Timpu Karamaian Kaamatan om Gawai kapaampai 13 kakamot kapanau solinaid 10 tadau piagalon turu tadau toun pogulu diti.

Montiri Pidagangan Suang Pogun, Koporasi om Koponggunaan (KPDNKK), Datuk Seri Hamzah Zainuddin minoboros do kopoindalanan do skim dilo nopo nga tumimpuun mantad 23 tulan Kolimo gisom kp-1 tulan Koonom id Sabah om ko-25 tulan Kolimoo gisom ko-3 tulan Koonom id Sarawak.

Ka disio, skim kaantaban gatang dilo kapanau poimpuli Sabah, Sarawak om Wilayah Pisompuruan Labuan turu tadau pogulu orikot karamaian, mamaso karamaian om duo tadau kalapas karamaian tumanud Akta Kaantaban Gatang om Antipencatutan 2011.

“Wookon nopo kakamot di kaampai montok Karamaian Kaamatan nopo nga manuk poimpasi, manuk standard, manuk super, palapa manuk, tontolu manuk Gred A, Gred B om Gred C, daging karamau import, bawang taragang okoro, bawang topurak, wogok poompasi, daging wogok (tian) om daging wogok (daging om lamak).

“Montok Tadau Gawai, kakamot di kaampai nopo nga manuk poimpasi, manuk standard, manuk super, manuk nokotuo poimpasi, palapa manuk, tontolu manuk Gred A, Gred B, Gred C, kubis obulugu import, bawang topurak (China), wogok poimpasi, daging wogok tian om daging wogok (daging om lamak),” ka diso kumaa pitimungan habar do hiti di konihab.

Nokotindapou nogi Montiri Komulakan om Sipoot Sabah Datuk Tawfiq Abu Bakar Titingan om Puru Parlimen Kalabakan Datuk Abdul Ghapur Salleh.

Minoboros ih Hamzah miampai ponguatkuasaan skim gatang kaantaban dilo, mongindapu mositi poiliu tanda gatang poimbida kiwotik oposi aragang montok kakamot aantaban do popisuai kakamot di okon antaban.

“Mongindapu nga unsubon do padagang kakamot dilo miampai gatang di lobi omurah mantad gatang goos takawas,” ka disio. – BERNAMA

Apa Komen dan Pendapat Anda

Artikel Berkaitan