Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pongonuan kukumaraja songkosuaian pinourut: Ahmad Zahid

zahid
SAMARAHAN: Porinta di tadau biano minopoilo kopourutan pogonuan kukumaraja songkosuaian mantad toinsanan pogun tadon gisom osontob ginawo porinta koporluan pointopot kukuamaraja puru pomorunan.

Kumoduo Boyoon Montiri Datuk Seri Dr Ahmad Zahid Hamidi minoboros do kopourutan dilo montok papaanu do porinta monorisid kawagu koputusan karait pambaraian levi duo bohogian.

Tumanud disio, porinta nga manahak ponumpuan kumaa ababayan panggajian kawagu id sampaping poingkawas ponguatkuasaan mooi aiso kukumaraja songkosuaian kawawagu igitan sumuang id pogun diti.

“Kukumaraja songkosuaian di aiso dokumen toi ko poingion kolobi timpu di pinasaga, gokomon yolo om pootodon muli id pogun nintadon diolo,” ka disio mamaso minopoili ahal dilo id ababayan misuau miampai puru susumangod id Kem Muara Tuang, do hiti di baino.

Tumanud disio, kopiagal do hontolon dilo, laang ponguatkuasaan mangna poingkawaso di pogun diti.

Minoboros ih Ahmad Zahid do kalansanan dsio mooi komulakan id pogun diti kaanu monimbar pamalahawan do porinta mooi monowolii karaja pakaraja songkosuaian om sumiliu kukumaraja id pogun diti montok potunda ekonomi pogun.

“Kopourutan diti kapanau gisom osontob o porinta kumaa kosukupan pointopot miagal di pinokianu do puru pomorunan,” ka disio. – BERNAMA

Komen


Berita Berkaitan