Sayang Sabah Facebook

Likes
Sayang Sabah Twitter

11,797

Followers

Sayang Sabah - Portal Berita Negeri Kita

Ponginsanangan om ponimbanan potilombuson id Labuan: Najib

11:44pm 07/02/2016 Maryann 0 views Abal Kinoyonon,Kinoyonon,WP. Labuan

najib
LABUAN: Datuk Seri Najib Tun Razak minoboros do porinta id siriba binuruan Barisan Nasional (BN) kasasari mogintong kotundaan Labuan om tumilombus papanau ponginsanangan om ponimbanan.

Minoboros ih Luguan Montiri do sundung kokitanan do Labuan, pulou poingabas sukai dilo babaino diti lobi kagayat ginawo om nokotunda piagalon di pogulu diti nga pingisaman kakal potilombuson montok mogintong kopio kotundaan om mogigion dau kaanu kopurimon kosimbayanon koposion.

“Tutumombului id Pulou Labuan nokotilombus noruhangan. Toun 2010, ginumu tutumombului id Labuan pikikiro 700,000 nga nokoingkawas gisom lobi iso riong di toun 2014,” ka dii Najib.

Minoboros isido miagal dilo soira minanahak boboroson id Ababayan Karamaian Tadau Wilayah Pisompuruan 2016 do hiti, totuong baino.

Nokotindapou id ababayan dilo, sawo di Najib, Datin Seri Rosmah Mansor; Montiri Wilayah Pisompuruan Datuk Seri Tengku Adnan Tengku Mansor; om Puru Parlimen Labuan ih ponogi Ponorikohon Kotinanan Labuan Datuk Rozman Isli.

Minoboros ih Najib do sundung kobolihangkangan naratu gatang tumau id pasaran sompomogunan id labus pangantaban do porinta nakaanu minanahak waya kopoposion rayat pogin diti kosuang mogigion id Labuan gisom haro ih pinotingkod karaja. Pingisaman popogisuai-suai tadon ikonomi gunaon montok tumoguang kowowoyoon diti. – BERNAMA

Apa Komen dan Pendapat Anda

Artikel Berkaitan