Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Pomutanaman id Kundasang sombohogian usahaon kukumaraja songkosuaian: Masidi

11:50pm 29/01/2016 Maryann 5 views Abal Kinoyonon,Kinoyonon,Kota Kinabalu

masidi
KOTA KINABALU: Kada ubasanai kowowoyoon momili karaja sabap ilo noh iso tadon tulun tokou kasasari tumaid kumaa kukumaraja songkosuaian, miagal siktor pomutanaman id Kundasang, sombohogian dau usahaon dilo kukumaraja songkosuaian.

Montiri Kotombuluian, Koubasanan om Ahal Posorili Datuk Seri Panglima Masidi Manjun minoboros miagal dilo id pitimunan habar kopihondot kopotimpuunan sitisin radio Kupi-kupi fm id Souled Out Restaurant, Imago di konihab.

“Sokiro tumaid tomod tokou dilo kukumaraja songkosuaian, kosodia tokou tu ndo sokiro potingkodon ilo kukumaraja songkosuaian om pogulion yolo id pogun diolo sabap 80% kukumaraja id siktor pomutanaman om 70% kukumaraja id siktor pamanaian nopo nga kukumaraja songkosuaian,” ka disio.

Sabap dilo alansan isidi mooi kupi-kupi fm sumiliu wayaan porikot om popokito kumaa mogigion id Malaysia lolobi id Sabah do pogun diti nopo nga akawas o toleransi id pogun diti.

“Koubasanan id Sabah amu oubas dilo pisuaian ugama om tinaru nga toinsanan mogigion pogun diti miso sundung misuai o kotumbayaan ugama om kowowoyoon miagal diti mositi poiloon kumaa mogigion pogun suai mooi karati yolo koposion di oulud id pogun diti,” ka disio. – Sayang Sabah.

Apa Komen dan Pendapat Anda

Artikel Berkaitan