Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pomukiman Montiri Labus ASEAN nokotimpuun tadau baino

Asean-Foreign-Ministers-Retreat-600x366
Oleh R.Ravichandran

KOTA KINABALU, 28 Jan (Bernama) — Montiri-Montiri Labus ASEAN minopotimpuun pomukiman diolo tadau baino miampai fokus laang montok popoburu agenda ASEAN lolobi kopio id suang ponuridangan komuniti ASEAN.

Id pomukiman dilo, popouhup o Malaysia miampai pogun suai karait walu kosuulan montok ASEAN sabagi ponorikohon pitimungan dilo toun diti.

Pisongkiwalan kowoigan karait Laut China Selatan i minopokito waya amu songkuro osonong di toun nakatalib om rinoitan sabagi iso ahal di osusa id rantau diti pikikiro mangan pibarasai miampai tosorisid.

Pomukiman diti pinaharo id timpu dii kosuul kopio soira pitimungan serantau 10 puru mingisom do popoimbulai Komuniti ASEAN opupusan toun diti, ilo nopo nga Komuniti Politik-Kotungoligan ASEAN, Komuniti Ekonomi ASEAN om Komuniti Sosiobudaya ASEAN.

Montiri Labus Datuk Seri Anifah Aman minomuruan delegasi Malaysia id seisi pomukiman dilo ih pinaharo id Magellan Sutera Harbour Resort, hiti.

Toinsanan Montiri Labus ASEAN nokotindapou id pomukiman, iyolo nopo nga ih Pengiran Anak Puteri Hajah Masna (Brunei Darussalam), Hor Namhong, (Kemboja), Retno L.P.Marsudi (Indonesia), Dr Thongloun Sisoulith (Laos), U Wunna Maung Lwin (Myanmar), Albert F del Rosario (Filipina), K.Shanmugam (Singapura), Tanasak Patimapragorn (Thailand) om Pham Binh Minh (Vietnam).

Suai ko montiri labus pogun puru ASEAN, pomukiman dilo notindapou Monunurat Tapantang ASEAN Le Luong Minh. – BERNAMA

Komen


Berita Berkaitan