Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pomukiman AMM manahak waya tosonong kumaa kotundaan Sabah – Musa

Musa Aman (tanga) miampai di Anifah (gibang) nokotindapou id Malam Gala kopihondot Pomukiman AMM id Kota Kinabalu, Sabah. – foto Jabatan Penerangan
Musa Aman (tanga) miampai di Anifah (gibang) nokotindapou id Malam Gala kopihondot Pomukiman AMM id Kota Kinabalu, Sabah. – foto Jabatan Penerangan

KOTA KINABALU, 27 Jan (Bernama) — Boyoon Montiri Sabah, Datuk Seri Musa Aman otumbayaan do Pomukiman Montiri-Montiri Labus ASEAN (AMM) 2015 om mitingan porsodiaan do hiti kaanu manahak waya dit osonong kumaa kotundaan pogun Sabah.

Ka disio ababayan dilo kaanu popoingkawas kaangayan ekonomi Sabah i minopokito kotundaon tasapou mantad piro-piro toun nakatalib om potilombus minopoiliu Sabah id wayaan di tosonong id suang kotundaan.

“Soira Malaysia nosiliu Ponorikohon ASEAN, mingisom o porinta papaanjur mogisuai-suai mitingan ASEAN id mogisuai-suai kakadaian poimpuli pogun. Toiso-iso kakadaian dilo haro pamagayat ginawo,” ka disio.

Minoboros isido miagal dilo id ababayan makan totuong mamarayou kinorikatan Montiri-Montiri Labus ASEAN i piaanjur Montiri Labus, Datuk Seri Anifah Aman id Magellan Sutera Harbour Resort hiti di totuong tadau Koduo.

Tumanud di Musa, poonjuran mitingan ngawi do ASEAN id poimpuli pogun nopo nga montok popomilo toiso-iso pogun kaanu momurimon iyolo nopo nga sombohogian mantad porojik tagayo Malaysia sabagi Ponorikohon ASEAN do toun diti om nogi poposindak sunduan miambalut id suang ASEAN.

Musa Aman (gibang) suminalam dilo delegasi montiri-montiri labus ASEAN kopihondot Pomukiman AMM, di Kota Kinabalu. – foto Jabatan Penerangan
Musa Aman (gibang) suminalam dilo delegasi montiri-montiri labus ASEAN kopihondot Pomukiman AMM, di Kota Kinabalu. – foto Jabatan Penerangan

Pinokianu nogi di Musa tatamu songkosuaian id pomukiman dilo do maganu kosiwatan tumombului id kinoyonon ngawi tolumis om kagayat ginawo id pogun diti kosuang nogi Gunung Kinabalu, Lembah Maliau ih nointutunan sabagi ‘The Lost World’ om Pulau Sipadan. – BERNAMA

Komen


Berita Berkaitan