Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pomoromitan Toun Wagu Sina id Sabah rinamai id kowowoyoon iso paganakan

Boyoon Montiri Sabah, Datuk Seri Musa Aman (tolu mantad wanan) om Puru Walai Koundangan Pogun Elopura, Datuk Au Kam Wah (duo mantad wanan) guminambar id Walai Poingukab Toun Wagu Sina pinaanjur Paati Gerakan Zon Sandakan hiti di baino. – Foto BERNAMA
Boyoon Montiri Sabah, Datuk Seri Musa Aman (tolu mantad wanan) om Puru Walai Koundangan Pogun Elopura, Datuk Au Kam Wah (duo mantad wanan) guminambar id Walai Poingukab Toun Wagu Sina pinaanjur Paati Gerakan Zon Sandakan hiti di baino. – Foto BERNAMA

SANDAKAN – Pomoromitan Toun Wagu Sina id pogun diti rinamai id kowowoyoon iso paganakan miampai amu monutun tinaru om ugama, ka di Boyoon Montiri Datuk Seri Musa Aman.

Minoboros isido, ilo kaanu poposiliu isu koimayaan id Sabah ih ogumu tinaru om ugama nga kakal kaanu mogititimung mamaramai toiso iso karamaian id suang piuludan di togirot.

“Alansan tokou kotilombus kowowoyoon miagal diti moi kaanu monyumbang kumaa kotundaan pogun lolobi Sabah montok sumiliu pogun di kalantoi om komogot.

“Otumbayaan oku, Sabah id impohon di osonong, kalantoi om komogot asil ginirot piuludan do mogigion dau,” ka disio kumaa maganu habar kalapas nokotindapou id Walai Poingukab Toun Wagu Sina pinaanjur Parti Bersatu Sabah (PBS) Batu Sapi hiti di baino.

Minongoi nogi isido tindapou id Walai Poingukab Toun Wagu Sina pinaanjur duo poh kawagu parti komponen Barisan Nasional (BN), ilo nopo Parti Gerakan Zon Sandakan om Parti Liberal Demokratik.

Tumanud di Musa, walai poingukab pinaanjur parti komponen BN tinindapou tulun ginumuan okon nopo ko mantad tinaru Tionghua nga tinaru nogi suai id pogun diti.

“Toinsanan dilo popokito mogigion pogun diti osonong ginawo om otood do mamaramai toiso-iso karamaian id suang sunduan miobpinai,” ka disio. – BERNAMA

Komen


Berita Berkaitan