Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Pomogunaan tiknologi piromutan unsubon id posibaran kointalangan

11:24pm 13/05/2016 Maryann 0 views Abal Kinoyonon,Kinoyonon,Kota Kinabalu

yahya
KOTA KINABALU: Kumoduo Boyoon Montiri, Datuk Seri Panglima Haji Yahya Hussin minoboros do pomogunaan tiknologi piromutan di kawawagu nopo nga kosuul kopio id suang pingisaman posibar kointalangan di pointopot om osikap.

“Id timpu do babaino diti, toinsanan tulun amu kopogidu mantad tiknologi lolobi id kinoyonon kakadaian om labus kakadaian ih koilo noh ngawi momoguno talipaun pintar montok miromut, sabap dilo pomogunaan doo ICT nopo nga iso komostian montok Biro Kointalangan papanau karaja diolo,” ka disio.

Minoboros isido miagal dilo soira minamaramit tombului tapantang mantad Biro Kointalangan UMNO Bohogian Putatan id tupis disio id Wisma Pertanian Sabah, do hiti di konihab.

Yahya ih ponogi Montiri Pomutanaman om Pomorunan Taakanon minoposorou do biro dilo mooi papanau tonggungan miampai kiwaya montok momugag om manahak kointalangan kumaa rayat sunsud karait ahal id timpu timpu.

Yahya ih ponogi Boyoon UMNO Bohogian Putatan minokianu kumaa Biro Kointalangan mooi monginsomok do mogigion id kinoyonon pomuwalaian kawawagu om papaharo ababayan kopisudong montok pongundi wagu. – SayangSabah

Apa Komen dan Pendapat Anda

Artikel Berkaitan