Sayang Sabah Facebook

Likes
Sayang Sabah Twitter

11,689

Followers

Sayang Sabah - Portal Berita Negeri Kita

Politeknik silihon do Tinan Berkanun

11:25pm 11/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

poli
KOTA KINABALU: Politeknik Malaysia pinopoinsan montok poposiliu longkod balajaran dilo sabaagi iso tinan berkanun ontok toun 2017.

Luguan Potunud Koupisan Balajaran Politeknik Komontirian Balajaran Takawas Datuk Haji Mohlis Jaafar minoboros do sabaagi kopotoundaan Balajaran om Pingludaan Teknikal Vokasional (TVET) tagayo id pogun diti pongkimamaan montok dumampot rikoton dino maamaso wonsoion.

“Noilaan noh mantad tokou do Politeknik maamaso mokimamaha kumaa kapamabangan toi ko decentralization montok koonuan lobi kuasa id suang bohogian kotorinaan balajaran om pingludaan stafom karaja.

“Kopihondot dino, montok posiliu Politeknik lobi dinamik, Politeknik mositi maya iso fasa koundolihan di noulud montok mongintong kopamansaian konsep autonomi, id ralan sapalu om pointoguvang ino nopo nga sabaagi iso tinan berkanun miaga di nouhud id suang iso mantad pongkimamaan Koinsavatan 4 Palan Kotundaan Balajalan Malaysia (Balajalan Takavas) PPPM PT,” ka disido.

Minoboos isido dino ontok pitimbungakan abal kahapas mazaa Kounsol Gaa Kotoinaan Kahantazan 2015 Zon Sabah, Suat Kopomihian Komiti Monontuduk Politeknik om Kounsol Sumain Nota Suat Pilotian, id Dewan Rafflesia Politeknik Kota Kinabalu, id doiti, di koniab.

Otumbazaan i Mohlis do Politeknik sabaagi Tinan Berkanun kaanu monguang kahansanan kousinan kumaa polinta om tuutulus dino kaanu nodii boogizan komontilian manaak hobi pongintangan kumaa kotoinaan kapanadaan ikoton sector, ikoton kosudong om kalaja kapanamangan.

Minoboos isido koponoizukan kokomoi atag kotinana Politeknik id Malaysia tinoodo ontok Vuhan Kotohu 2015 mazaa web e-sis montok koonuan piokunan om kotoundaan saviavi tuhun politeknik.

Ka disido tumanud pinonoizukan dino 83.48 piatus nakaakun om 16.51 piatus pinopoiho au kaakun id tinimungan Upisol Balajalan Takavas (PPPT) om montok tinimungan okon PPPT vagu, 49.45 piatus nakaakun om 50.55 piatus au nakaakun.

Minoboos i Mohlis, montok popotindooi kahantazan institute balajalan dino, saviavi tuhun kalaja mositi misokodung montok popoinsavat vagu kahantazan dino.

“Pisokodungan saviavi boogizan kiguno kozo montok mongintong pongkimamaan kosimbanan diti koovit balajalan takavas pogun kumaa kinavas di hobi vinasi kopiaga miampai balajalan kiningkokoton pomogunan,” ka disido.

Kokomoi Gaa Kotoinaan Avasi Nangangazan, humansan isido ino kaanu mongunsub om mamadadi pongunsub hizab kumaa saviavi montok popotihombus kahantazan id suang kalaja dioho.

Id lamai dino kiginumu 42 tinimungan Politeknik Kota Kinabalu om Politeknik Sandakan tososonguhun nokotoimo APC.

“Saviavi nokotoimo nakahantoi pinopokito nangangazan kalaja kahantazan, mantad po toi id lahan misosonguhun toi ko tinimungan montok popoinsavat kualiti om produktiviti institut.

“Politeknik momoguno saviavi tuhun di mongkimamaa id suang saviavi boogizan, hoohobi po vagu id suang pongkimamaan politeknik popoinsi asil graduan kumaa 500,000 koikatan Vuhan Kosizam toun diti,” ka disido. -SayangSabah

Apa Komen dan Pendapat Anda

Artikel Berkaitan