Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Polis Sabah nakasalasai kiis pamataian id Lahad Datu

bunuh

KOTA KINABALU: Tulun natandasan ih osuon do pulis mantad tadau ko-8 tulan Koturu nakatalib karait kiis pamataian id Masjid Kampung Bikang, Lahad Datu, ginakom id kinoyonon pomukobunan piasau sawit id Kg Sungai Limau, Pulau Sebatik, Tawau, di tadau Kotolu nakatalib.

Boyoon Koupisan Ponoriukan Kasalaan Tagayo (JSJ) Kontinjen Sabah, Datuk Salehhudin Abdul Rahman minoboros do ih natandasan kiumur 42 toun om mogowit dokumen pelarian IMM 13 ginakom pikikiro jam 8.30 totuong asil ponugkuann sontinimungan pulis ih binuruan do Boyoon Pulis Bergosong id pomukobunan piasau sawit nokomoi.

“Ih natandasan mumbal mokiinsian kuma puru paganakan dau do mion id kinoyonon poinsomok nga amu pinoduli sabap noilaan do ih natandasan ihumon do puru pulis.

“Sabap amu nakaanu tungolig, ih natandasan minooi lisok id kinoyonon piasau sawit. Mamaso pinapanau pamagakaman, ih natandasan sinoliwan mogihum taakanon sabap duo noh tadau aiso kokoriu taakanon,” ka dii Salehhudin id kointalangan do hiti di baino.

Tumanud di Salehhudin, ih natandasan dilo kikotumbayaan minamatai songulun kusai nointutunan do ih Omar Abdul Rakman, 23, di tadau ko-8 tulan Koturu nakatalib, pukul 10 kosuabon id suang Masjid Kampung Bikang, Lahad Datu om mungui noiduan ginawo sasabap notobok id kangkab.

Ka disio, korita di pinolisok di natandasa nga naahau nogi. Motif minamatai sasabap aiso pirotian id tanga di natandasan om mungui. – BERNAMA

Komen


Berita Berkaitan