Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Polis Sabah minangahau 11.9kg Syabu kigatang RM885,000

syabu-600x366
KOTA KINABALU: Polis Sabah minangahau pikikiro 11.9 kilogram dadah methamphetamine toi ko syabu kigatang RM885,000 id iso ponugkuan iso kadai pinglumisan id Damai Plaza Phase 1, do hiti kosodop.

Boyoon Koupisan Ponoriukan Kasalaan Tawagat Narkotik, Longkod Tupis Pulis Kontinjen (IPK) Sabah, Supt Mohamed Fadzil A. Rahman minoboros do ponugkuan dilo winonsoi kalapas songulun kusai kiumur 32 toun om pasangan dau kiumur 27 toun tinahan id tisan do ralan Damai Plaza Phase 1, jaam 1 pitangaadau, tadau Koduo.

Ka disio, asil ponoriuukan kumaa di natandasan, minogowit do pulis minapapanau pomorisaan om nokobontol 12 linopot polositik oniniting kisuang watu-watu kikotumbayaan dadah methamphetamine, toiso-iso pinolisok id suang do laci mija om id iso bilik kadai dilo.

“Ponoriukan tosopung noilaan do ih natandasan nakaampai id karaja ponikidan dadah mantad toun 2011. Ponoriukan montok mongungar rangkaian ponikidan do dadah kakal potilombuson,” ka disio id pitimungan maganu habar id IPK Sabah do hiti di baino.

Mohamed Fadzil minoboros do pangahawan do dadah methamphetamine itu dilo nopo nga goos tagayo id Sabah montok toun diti.

“Toinsanan dadah di naahau kikotumbayaan montok padagangon id poimpuli Sabah,” ka disio. – BERNAMA

Komen


Berita Berkaitan