Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Polis Kota Kinabalu minanahan tolu 3 ‘Geng Samun Negro’

m.chandra-600x400
KOTA KINABALU: Pulis minanahan tolu tulun kosuang boyoon tinimungan ‘Geng Negro’ ih aparagat mimpanakau om monimbit do hiti kapaampai 11 kiis miampai korugian RM140,000 mantad kotimpuunon toun diti.

Boyoon Pulis Bandaraya Kota Kinabalu ACP M.Chandra minoboros do asil kointalangan tulun ginumuan, songulun kusai kiumur 22 toun kikotumbayaan boyoon tinimungan dilo tinahan id Masjid Pogun Sembulan pikikiro jam 1.30 pitangaadau, tadau Kolimo nakatalib.

“Mantad pinamagakaman dilo, naanu kawagu do pulis minanahan duo tulun kosuang songulun tondu id longkod kakadaian,” ka disio kumaa maganu hbar do hiti di baino.

Ka disio, naahau nogi pulis piro-piro kakamot kosuang korita Proton Iriz, rasuk ih rinasuk mamaso minanakau, buuk akaun om apat talipaun kigatang pikikiro RM44,000.

Tumanud dii Chandra mantad ponoriukan tosopung noilaan koduo-duo di natandasan tulun Filipina kiumur 22 toun aiso nunu-nunu dokumen om haro rikod kasalaan tawagat pogulu diti om positif dadah syabu.

Om ih tondu haro dokumen Pendaftaran Orang Asing Khas (IMM13). Dokumen IMM13 nopo nga pas poimbida ih pinalabus Koupisan Imigresen kumaa palarian tulen Filipina sabap sangod montok papaanu diolo miyon id Sabah. – BERNAMA

Komen


Berita Berkaitan