Sayang Sabah Facebook

Likes
Sayang Sabah Twitter

11,774

Followers

Sayang Sabah - Portal Berita Negeri Kita

Pokikitanan kuasa timbakan id sawat, TUDM

12:21am 19/11/2015 Maryann 8 views Abal Kinoyonon,Kinoyonon,Kota Kinabalu

tldm 2
KOTA BELUD: Susumangod Udara Diraja Malaysia (TUDM) minopoindalan iso pokikitanan kuasa timbakan udara kumaa id tana id Lapang Sasar Udara Kota Belud.

Ababayan nopo dilo nga sombohogian mantad Eksesais Paradise ih kapaampai kapal ih ginuno mamaso OPS Daulat Lahad Datu.

Kapal-kapal di nakaampai dilo kosuang duo kapal Su30MKM, duo kapal F/A-18D, duo kapal Hawk om toiso-iso songinan helikopter EC725, helikopter S614A om kapal C130H.

Tumanud Panglima Tentera Udara Jeneral Tan Sri Dato’ Sri Roslan Saad, pokikitanan dilo montok mogintong kaangayan do susumangod poimpuun mogisuai-suai sindata poingontok id ontokon miampai Doktrin Kontemporari ih ginuno do TUDM.

“Pokikitan nopo diti nga iso mantad pinsingilaan montok TUDM popokito kaangayan do aset ih haro om sabaagi porsodiaan tumoguang nunu nopo kaantakan sokiro haro aantakan id pogun diti,” ka disio. – Leolerry Lajius/Sayang Sabah

Apa Komen dan Pendapat Anda

Artikel Berkaitan