Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pointutuno karamaian Kaamatan sabaagi pamagayat tutumombului

kaamatan
KOTA KINABALU: Karamaian tadau kumoiso karnival Kaamatan nayatan bandaraya Kota Kinabalu rinamai miampai kinorikatan lobi rinibuan tulun mantad mogisuai-suai tinaru kosuang nogi tutumombului labus pogun.

Karnival dilo ih pinaharo kumoinsan nogi id Padang Merdeka Kota Kinabalu kituduan manahak kosiwatan kumaa toinsanan mogigion id kakadaian diti miampai mamaramai om mamarati kopogisuai-suaian tinaru id pogun diti lolobi tinaru Kadazan, Dusun om Murut.

Kumoduo Boyoon Montiri Tan Sri Joseph Pairin Kitingan minoboros do, karnival diti nosiliu impohon montok posuni sunduan piuludan id tanga mogigion lolobi id kakadaian Kota Kinabalu ih mogisuai-suai tinaru om ugama.

“Karamaian kaamatan diti okon nopo ko kaanu manahak toluod id kaganaan ikonomi nga nosiliu impohon kumaa dotokou do miuhup om iso tonggungan kumaa do tokou toinsanan do pointutun karnival diti sabaagi iso pamagayat tutumombului.

“Maya karnival miagal diti, kaanu popokito piuludan om piromutan ogirott id tanga do tokou sundung mogisuai-suai tinaru,” ka disio soira minanahak boboroson id kopotimpuun Karnival Kaamatan Nayatan Kakadaian Kota Kinabalu, do hiti di kosodop konihab.

Mongunsikou nogi ih Pairin kumaa pingisaman Dewan Bandaraya Kota Kinabalu (DBKK) sabap nakaanu minapapanau mogisuai-suai ababayan montok mamajamin koborisian id posorili kakadaian diti om ababayan pamagayat tutumombului tumombului id kakadaian diti. – Sayang Sabah

Komen


Berita Berkaitan