Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Poindisano tinimungan di oindamaan: Radin

Radin Malleh papatahak angpow kumaa tangaanak. - foto Kalawon Sawing
Radin Malleh papatahak angpow kumaa tangaanak. – foto Kalawon Sawing

TENOM – Piuludan om katanangan ih nokoimbulai id tanga mogigion mogisuai suai tinaru mantad pogulu diti apatut gompion moi kotilombus kotundaan pogun om koinsonongon koposion sukod wagu.
Montiri Kotundaan Labus Kakadaian Pogun Datuk Radin Malleh minoboros do rayat mogisuai suai tinaru id pogun diti nga apatut lobi atarom pomusarahan do monilai om popoindisan tinimungan oindamaan ih popiamung ahal pulitik, ugama om koubasanan montok kosuulan diolo sondiri.
Ka disio, porinta amu miduo ginawo maganu laang okodou kumaa misosongulun toi ko tinimungan di oindamaan ih posoliwan kointalangan monubusubu gisom kopogowit korumbakon piuludan id Sabah.

Radin Malleh miampai di momobog gandang Sina id ababayan dilo. - foto Kalawon Sawing
Radin Malleh miampai di momobog gandang Sina id ababayan dilo. – foto Kalawon Sawing

“Pulitik di aadang om mogigion di oulud papaanu porinta manahak ponumpuan do mingisom papanau mogisuai suai ababayan kotundaan,” ka disi soira minanahak boboroson id pesta Tarian Naga Unicorn om Singa kopihondot karamaian Toun Wagu Sina nayatan Watas Tenom id Dewan Datuk Seri Panglima Antenom, hiti.
Radin ih ponogi Puru Walai Koundangan Pogun (ADUN) Melalap minoboros do mulong porinta mamaso mintingubas do maganu laang mongikit ngikit nga potilombus o porinta papanau ababayan transformasi sosioekonomi montok kotundaan do pogun om koinsonongon koposion mogigion pogun diti. – Dii Kalawon Sawing / SayangSabah

Komen


Berita Berkaitan